തിരുവനന്തപുരം: കുഞ്ഞിനെ തിരിച്ചുകിട്ടാനായി ഹൈക്കോടതിയെ സമീപിക്കാനൊരുങ്ങി അനുപമ. നിരന്തരം പരാതി നൽകിയിട്ടും നിരുത്തരവാദിത്തപരമായാണ് പോലീസ് ഇടപെടപ്പെട്ടത്. പോലീസ് അന്വേഷണത്തിൽ വിശ്വാസം നഷ്ടപ്പെട്ടെന്നും അനുപമ മാദ്ധ്യമങ്ങളോട് പറഞ്ഞു.
തികച്ചും നിരുത്തരവാദിത്തപരമായാണ് പോലീസ് കേസിൽ ഉടനീളം ഇടപെട്ടത്. തന്നെ കാണാനില്ലെന്ന് പറഞ്ഞ് അച്ഛൻ പോലീസിൽ നൽകിയ പരാതിയിൽ കാണിച്ച ആവേശം കുഞ്ഞിനെ പരാതിയിൽ കാണാതായ പരാതിയിൽ കാണിച്ചില്ല. ഏപ്രിലിലാണ് പോലീസിന് പരാതി നൽകിയത്. പിന്നീട് സെപ്റ്റംബർ മാസം ഡിജിപിക്കും പരാതി നൽകി. ഇപ്പോൾ എഫ്ഐആർ രജിസ്റ്റർ ചെയ്തത് ഡിജിപിക്ക് നൽകിയ പരാതിയിലാണ്. ആദ്യം പോലീസിന് നൽകിയ പരാതിയിൽ നടപടി ഉണ്ടായില്ലെന്നും അനുപമ പറയുന്നു.
കുടുംബ കോടതിയിൽ അപേക്ഷ നൽകി ഡിഎൻഎ പരിശോധന നടത്തിയാലും കുഞ്ഞിനെ വിട്ടുകിട്ടണമെങ്കിൽ ഹൈക്കോടതിയെ സമീപിക്കേണ്ടി വരും. വഞ്ചിയൂർ കുടുംബ കോടതിയിലെ നടപടികളിൽ കക്ഷി ചേരാൻ തന്നെയാണ് തീരുമാനം. ദത്തുനടപടികൾ റദ്ദാക്കാൻ അപേക്ഷ നൽകുമെന്നും അനുപമ വ്യക്തമാക്കി.
Also Read: ഷാരൂഖ് ഖാൻ ബിജെപിയിൽ ചേർന്നാൽ കഥമാറും, ലഹരിമരുന്ന് പഞ്ചസാരപ്പൊടിയാകും; വിമർശനം