ഗുവാഹത്തി: അസം എംഎല്എ ലേഹോ രാം ബോറോ കോവിഡ് ബാധിച്ച് മരിച്ചു. തമുല്പുര് എംഎല്എയായ ഇദ്ദേഹം ഗുവാഹത്തി മെഡിക്കല് കോളേജ് ആശുപത്രിയില് ചികിൽസയിലായിരുന്നു. ശനിയാഴ്ച രാവിലെയായിരുന്നു മരണം. ദിവസങ്ങള്ക്ക് മുമ്പാണ് ലേഹോ രാം ബോറോക്ക് കോവിഡ് സ്ഥിരീകരിക്കുന്നത്. ചികിൽസക്കിടെ ഉണ്ടായ സ്ട്രോക്കിനെ തുടര്ന്നാണ് മരണം.
ബോഡോലാന്ഡ് ടെറിറ്റോറിയല് കൗണ്സല് ചീഫ് എക്സിക്യൂട്ടീവ് മെമ്പറും യുനൈറ്റഡ് പീപ്പിള്സ് പാര്ട്ടി ലിബറല് പ്രസിഡണ്ടുമായ പ്രമോദ് ബോറോയാണ് ഇക്കാര്യം പുറത്തുവിട്ടത്. യുനൈറ്റഡ് പീപ്പിള്സ് പാര്ട്ടി ലിബറല് ടിക്കറ്റിലായിരുന്നു ലേഹോ രാം ബോറോ നിയമസഭയിലേക്ക് ജനവിധി തേടിയത്.
Read also: ഉത്തർപ്രദേശിലെ വ്യാജമദ്യ ദുരന്തം; മരിച്ചവരുടെ എണ്ണം 15 ആയി