ചെന്നൈ: ട്രെയിന് എന്ജിന്റെ മുകളില് കയറി സെല്ഫിയെടുക്കാന് ശ്രമിച്ച പതിനാലുകാരന് വൈദ്യുതാഘാതമേറ്റ് മരിച്ചു. ഒമ്പതാം ക്ളാസ് വിദ്യാര്ഥിയായ ജ്ഞാനേശ്വരനാണ് ദാരുണാന്ത്യം. തമിഴ്നാട്ടിലെ തിരുനെല്വേലിയാണ് സംഭവം.
തിരുനെല്വേലി ജംഗ്ഷന് റെയില്വേ സ്റ്റേഷനില് ഇന്ന് രാവിലെയാണ് അപകടം നടന്നത്. സ്റ്റേഷനില് നിര്ത്തിയിട്ട എന്ജിന് മുകളില് കയറി ജ്ഞാനേശ്വരന് സെല്ഫിയെടുക്കാന് ശ്രമിച്ചതിനിടെ ആയിരുന്നു അപകടം. ട്രെയിനിന് മുകളില് കയറിയ ജ്ഞാനേശ്വരന്റെ ശരീരത്തില് ഹൈ വോള്ട്ടേജ് പവര് ലൈന് തട്ടുകയായിരുന്നു. അതിശക്തമായ വൈദ്യുതാഘാതമേറ്റ ജ്ഞാനേശ്വരന്റെ മരണം തല്ക്ഷണം സംഭവിച്ചു.
ജൂനിയര് ക്വാളിറ്റി ഇന്സ്പെക്ടറായ പിതാവിനോടൊപ്പമാണ് ജ്ഞാനേശ്വരന് റെയില്വേ സ്റ്റേഷനില് എത്തിയത്. അപകടം നടക്കുമ്പോള് തൊട്ടടുത്ത പ്ളാറ്റ്ഫോമില് ജോലി ചെയ്യുകയായിരുന്നു ഇദ്ദേഹം. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.
Read Also: മുംബൈ ഭീകരാക്രമണം ആസൂത്രണം ചെയ്ത ഹാഫിസ് സെയിദിന് 10 വർഷം തടവ്