പാലക്കാട്: മലമ്പുഴ കുമ്പാച്ചി മലയിൽ കുടുങ്ങിയതിനെ തുടർന്ന് സൈന്യം രക്ഷപെടുത്തിയ ചെറാട് സ്വദേശി ബാബു ഇന്ന് ആശുപത്രി വിട്ടേക്കും. ജില്ലാ ആശുപത്രിയിലെ നിരീക്ഷണ വാർഡിൽ തുടരുന്ന ബാബുവിന്റെ ആരോഗ്യസ്ഥിതി തൃപ്തികരമാണെന്ന് ഡിഎംഒ അറിയിച്ചു.
വെള്ളം കുടിക്കാതെ ഏറെനേരം കഴിഞ്ഞതിനാൽ കിഡ്നിയുടെ പ്രവർത്തനം ഡോക്ടർമാർ വിലയിരുത്തിയ ശേഷമായിരിക്കും വീട്ടിലേക്ക് മടങ്ങാൻ അനുവദിക്കുക. മാനസിക സംഘർഷം കുറയ്ക്കാൻ കൗൺസിലിങ് തുടരുന്നുണ്ട്.
തിങ്കളാഴ്ച ഉച്ചയോടെ മലയിടുക്കിൽ കുടുങ്ങിയ ബാബുവിനെ 44 മണിക്കൂറിന് ശേഷമാണ് സൈന്യം രക്ഷപെടുത്തിയത്. ഇതിനിടെ ബാബുവിനെതിരെ കേസെടുക്കാൻ തീരുമാനിച്ചിരുന്നെങ്കിലും വനം മന്ത്രിയുടെ ഇടപെടലിനെ തുടർന്ന് തീരുമാനം മരവിപ്പിക്കുകയായിരുന്നു.
Also Read: മീഡിയ വണ് സംപ്രേഷണ വിലക്ക്; സ്റ്റേ ഇല്ല, വിധി പറയാന് മാറ്റി