പാലക്കാട് : മഴ ശക്തമായതോടെ ഭാരതപ്പുഴയിലും കൈവഴികളിലും ഒഴുക്ക് വർധിച്ചു. ഇത്തവണത്തെ കാലവർഷം ആരംഭിച്ച ശേഷം ആദ്യമായാണ് ഇപ്പോൾ പുഴ നിറഞ്ഞൊഴുകുന്നത്. ഇതേ തുടർന്ന് നീർച്ചാലായി മാറിയിരുന്ന പുഴയിലെ മണൽ തിട്ടകളും പുൽക്കാടുകളും മൂടിയ സ്ഥിതിയാണ് നിലവിൽ.
കഴിഞ്ഞ ഒരാഴ്ചയായി തുടർച്ചയായി പെയ്യുന്ന ശക്തമായ മഴയിലാണ് ഭാരതപ്പുഴ നിറഞ്ഞു കവിഞ്ഞത്. പുഴക്കൊപ്പം തന്നെ കൈവഴികളായ തോടുകളും മറ്റും ഇതേ രീതിയിൽ നിറഞ്ഞൊഴുകുകയാണ്. കൂടാതെ മഴ ലഭിക്കാതെ ജലനിരപ്പ് ക്രമാതീതമായി താഴ്ന്ന തടയണകൾ മിക്കവയും ഇപ്പോൾ നിറഞ്ഞു കഴിഞ്ഞു. ശക്തമായ മഴ പ്രതീക്ഷിച്ച് തടയണകളുടെ ഷട്ടറുകൾ നേരത്തെ തന്നെ ഉയർത്തിയിരുന്നു.
Read also : കോവിഷീൽഡ് വാക്സിനെ ഫ്രാൻസും അംഗീകരിച്ചു