തിരുവനന്തപുരം: കെ-റെയിലിനെതിരെ സംയുക്ത പ്രക്ഷോഭത്തിന് ഒരുങ്ങി ബിജെപി. സര്ക്കാരിന് കോടികള് കൊള്ളയടിക്കാനുള്ള പദ്ധതി ഉപേക്ഷിക്കണമെന്നാണ് ബിജെപിയുടെ ആവശ്യം. കോഴിക്കോട് ഒഴികെയുള്ള പതിമൂന്ന് ജില്ലാ കേന്ദ്രങ്ങളില് നാളെ ബഹുജന പ്രക്ഷോഭം സംഘടിപ്പിക്കും. നേരത്തെ കെ-റെയില് വിരുദ്ധ സംയുക്ത സമിതി സെക്രട്ടറിയേറ്റിന് മുന്നില് സമരം നടത്തിയിരുന്നു.
വിവിധ ജില്ലകളില് നിന്നുള്ളവര് പങ്കെടുത്ത സമരത്തില് കോണ്ഗ്രസിനൊപ്പം ബിജെപിയും പിന്തുണ നല്കി. സമരത്തില് ബിജെപി സംസ്ഥാന അധ്യക്ഷനടക്കം പങ്കെടുക്കുകയും ചെയ്തിരുന്നു. ഇതിന് പിന്നാലെയാണ് ബഹുജന പ്രക്ഷോഭം സംഘടിപ്പിക്കാനുള്ള പാർട്ടിയുടെ തീരുമാനം. നാളെ പതിമൂന്ന് ജില്ലാ കേന്ദ്രങ്ങളില് പ്രക്ഷോഭം നടക്കും. പ്രക്ഷോഭത്തിന്റെ സംസ്ഥാനതല ഉൽഘാടനം പാലക്കാട് ജില്ലയില് സംസ്ഥാന അധ്യക്ഷന് കെ സുരേന്ദ്രന് നിര്വഹിക്കും.
Read Also: സമ്പൂര്ണ ആന്റിബയോട്ടിക് സാക്ഷരത; ആദ്യദൗത്യം ആരംഭിച്ചതായി ആരോഗ്യമന്ത്രി