തിരുവനന്തപുരം: മരംമുറി കൊള്ളക്ക് എതിരെ സംസ്ഥാന വ്യാപകമായി സമരം ശക്തമാക്കുന്നതിന്റെ ഭാഗമായി മുതിർന്ന ബിജെപി നേതാക്കൾ ഇന്ന് മരം മുറിക്കൽ നടന്ന സ്ഥലങ്ങൾ സന്ദർശിക്കും. സംസ്ഥാന ഭാരവാഹി യോഗത്തിന്റെ തീരുമാന പ്രകാരമാണ് സന്ദർശനം.
സംസ്ഥാന ബിജെപി അധ്യക്ഷൻ കെ സുരേന്ദ്രൻ പത്തനംതിട്ട ജില്ലയിലും ദേശീയ നിർവാഹകസമിതി അംഗം പികെ കൃഷ്ണദാസ് തൃശൂരിലും സന്ദർശനം നടത്തും. സംസ്ഥാന ജനറൽ സെക്രട്ടറി എംടി രമേശ് കാസർഗോഡും വൈസ് പ്രസിഡണ്ട് എൻ രാധാകൃഷ്ണൻ എറണാകുളം, ഇടുക്കി ജില്ലയിലെ മരംമുറി നടന്ന സ്ഥലങ്ങളും സന്ദർശിക്കും. ഈ മാസം 16ന് സംസ്ഥാനത്തെ 15,000 കേന്ദ്രങ്ങളിൽ കോവിഡ് മാനദണ്ഡങ്ങൾ പാലിച്ചുകൊണ്ടുള്ള ധർണയും ബിജെപി സംഘടിപ്പിക്കും.
Read also: സംസ്ഥാനത്ത് ഇന്നും കനത്ത മഴ; 11 ജില്ലകളിൽ യെല്ലോ അലർട്