മുംബൈ: ആമസോണ്‍ പ്രൈം വെബ് ഷോ ‘താണ്ഡവി’നെതിരെ ട്വിറ്ററില്‍ ബഹിഷ്‌കരണ ആഹ്വാനം. ഹിന്ദു ദൈവങ്ങളെ അപമാനിച്ചെന്നാണ് ആരോപണം. അലി അബ്ബാസ് സഫര്‍ സംവിധാനം ചെയ്യുന്ന ‘താണ്ഡവ്’ ഒടിടി പ്ളാറ്റ്ഫോമില്‍ വിജയകരമായി മുന്നേറുകയാണ്. ഇതിനിടയിലാണ് വിവാദം. സംഘപരിവാര്‍ പ്രൊഫൈലുകളിലാണ് പ്രതിഷേധം നടക്കുന്നത്.
നടനായ മുഹമ്മദ് സീഷന്‍ അയ്യൂബ് സ്‌റ്റേജ് പെര്‍ഫോമറായി രംഗത്തില്‍ ശിവനോട് സാദൃശ്യം തോന്നുന്ന രീതിയില്‍ വേഷം ധരിച്ചെന്നും ‘ആസാദി.. എന്താ….’ എന്ന ഡയലോഗ് പറഞ്ഞുവെന്നുമാണ് ആരോപണം. ഈ രംഗം ഹിന്ദു ദൈവങ്ങളെ കളിയാക്കാന്‍ ഉദ്ദേശിച്ച് ഉള്ളതാണെന്നും പ്രതിഷേധക്കാര്‍ പറയുന്നു.
#BoycottTandav
When will you realize that it’s all about How to hurt Hindu sentiments using their gods and dharma and not about Entertainment at all. I want every Hindu to speak up on these issues… #BoycottTandav pic.twitter.com/76HFkCHnUW— Nagendra Singh (@Nagendr11712132) January 16, 2021
അഭിനേതാവ് അയ്യൂബ് പൗരത്വ ഭേദഗതി നിയമത്തിന് എതിരെയുള്ള പ്രതിഷേധത്തില്‍ പങ്കെടുത്ത വ്യക്‌തി ആണെന്നും കാര്‍ഷിക നിയമത്തിനെതിരെ പ്രതിഷേധിക്കുന്ന കര്‍ഷകരെ പിന്തുണച്ചുവെന്നും ഇവര്‍ പറയുന്നു.
താണ്ഡവിന് പുറമെ ആമസോണ്‍ പ്രൈമിനെയും ബഹിഷ്‌കരിക്കാന്‍ ഇവര്‍ ആഹ്വാനം ചെയ്യുന്നുണ്ട്. രാഷ്‌ട്രീയക്കാരന്റെ വേഷത്തില്‍ സെയ്ഫ് അലി ഖാന്‍ ഉള്‍പ്പെടെ എത്തുന്ന വെബ് ഷോയില്‍ പ്രമുഖ താരങ്ങള്‍ വേഷമിടുന്നുണ്ട്.
