കൊൽക്കത്ത: ഇടക്കാലത്ത് പാര്‍ട്ടി വിട്ട് ബിജെപിയില്‍ ചേര്‍ന്ന മുകുള്‍ റോയ് തൃണമൂല്‍ കോണ്‍ഗ്രസിലേക്ക് മടങ്ങിയെത്തി. ഇന്ന് ഉച്ചയോടെ തന്റെ മകന്‍ ശുഭാന്‍ഷുവിനോടൊപ്പം അദ്ദേഹം കൊല്‍ക്കത്തയിലെ ടിഎംസി ആസ്‌ഥാനമായ തൃണമൂല്‍ ഭവനിലെത്തി. അവിടെ വച്ച് നടന്ന ചടങ്ങിൽ മുഖ്യമന്ത്രി മമത ബാനർജിയുടെ സാന്നിധ്യത്തിൽ അദ്ദേഹം വീണ്ടും പാർട്ടി അംഗത്വം സ്വീകരിച്ചു.
Warmly welcoming the National Vice-President of @BJP4India, Shri Mukul Roy, into the Trinamool family. We understand the multiple challenges he faced in BJP.
We look forward to this new journey whereby we can work in unison, prioritizing the well-being of the people of India.
— All India Trinamool Congress (@AITCofficial) June 11, 2021
മുകുൾ റോയിയുടെ മകൻ ശുഭാൻഷുവും പിതാവിനൊപ്പം ടിഎംസിയിൽ ചേർന്നു. നിലവില്‍ ബിജെപി ദേശീയ വൈസ് പ്രസിഡണ്ട് സ്‌ഥാനം വഹിച്ചിരുന്ന മുതിർന്ന നേതാവായിരുന്നു മുകുൾ റോയ്. ചടങ്ങിന് ശേഷം മാദ്ധ്യമങ്ങളെ കണ്ട മുകുൾ റോയ് ബിജെപിയെ വിമർശിച്ചു. ‘ആർക്കും ബിജെപിയിൽ തുടരാനാവില്ല. താൻ ബിജെപി വിടാനുണ്ടായ സാഹചര്യങ്ങൾ കൂടുതൽ വിശദമായി പിന്നീട് അറിയിക്കും’ എന്നാണ് അദ്ദേഹം മാദ്ധ്യമങ്ങളോട് പറഞ്ഞത്.
Read Also: ഇന്ധനവിലയിൽ പ്രതിഷേധിച്ചു; ദിഗ്‌വിജയ സിംഗിനെതിരെ കേസ്
