ന്യൂഡൽഹി: സെൻസസ്, ദേശീയ പൗരത്വ രജിസ്റ്റർ നടപടികൾ താത്കാലികമായി നിർത്തിവച്ചു. കോവിഡ് വ്യാപനത്തിന്റെ പശ്ചാത്തലത്തിൽ ഈ വർഷം ദേശീയ ജനസംഖ്യ രജിസ്റ്ററിനായുള്ള നടപടികൾ ഉണ്ടാവില്ലെന്നാണ് കേന്ദ്ര ആഭ്യന്തരമന്ത്രാലയ വൃത്തങ്ങൾ നൽകുന്ന സൂചന. നിലവിലെ സാഹചര്യത്തിൽ സെൻസസ് നടപടികൾക്കായി ഉദ്യോഗസ്ഥരെ നിയോഗിക്കാനാവില്ലെന്ന് കേന്ദ്ര ആഭ്യന്തരമന്ത്രാലയ വൃത്തങ്ങൾ പറയുന്നു.
“ സെൻസസ് ഇപ്പോൾ അത്യാവശ്യമായി നടത്തേണ്ട കാര്യമില്ല. ഇത് ഒരു വർഷം വൈകിയാലും ഒരു ദോഷവും സംഭവിക്കില്ല. ലക്ഷക്കണക്കിന് ഉദ്യോഗസ്ഥരുടെ പങ്കാളിത്തവും ഓരോ കുടുംബത്തിലേക്കുള്ള സന്ദർശനവും ആവശ്യമുള്ളതിനാൽ, ആരോഗ്യപരമായ പ്രശ്നങ്ങൾ വരില്ലെന്ന് ഉറുപ്പുവരുത്താൻ കഴിയില്ല- ”ഒരു മുതിർന്ന ഉദ്യോഗസ്ഥൻ പിടിഐയോട് പറഞ്ഞു.
