ന്യൂഡെല്‍ഹി: ബംഗാളില്‍ പൗരത്വ ഭേദഗതി നടപ്പാക്കണമെന്ന് പ്രധാനമന്ത്രിയോട് ആവശ്യപ്പെട്ട് സംസ്‌ഥാന പ്രതിപക്ഷ നേതാവ് സുവേന്ദു അധികാരി. നരേന്ദ്ര മോദിയുമായി നടത്തിയ കൂടിക്കാഴ്‌ചയിലാണ് സുവേന്ദു ഇക്കാര്യം ആവശ്യപ്പെട്ടത്. 40 മിനിറ്റോളം നീണ്ടു നിന്ന കൂടിക്കാഴ്‌ചയില്‍ തിരഞ്ഞെടുപ്പിന് പിന്നാലെ നടന്ന അക്രമ സംഭവങ്ങളുള്‍പ്പടെ ചര്‍ച്ചയായെന്ന് സുവേന്ദു അധികാരി പറഞ്ഞു.
സിഎഎ നടപ്പാക്കാനുള്ള ശ്രമങ്ങള്‍ അഞ്ച് സംസ്‌ഥാനങ്ങള്‍ ആരംഭിച്ചിട്ടുണ്ട്. പശ്‌ചിമബംഗാള്‍ പുറമെയുള്ള ഒരു രാജ്യമല്ല. ബംഗാള്‍ മറ്റൊരു രാജ്യമാണെന്നാണ് ചിലര്‍ ചിന്തിക്കുന്നത്; സുവേന്ദു അധികാരി പറഞ്ഞു. പശ്‌ചിമബംഗാള്‍ നിയമസഭാ തിരഞ്ഞെടുപ്പ് പ്രചാരണത്തിനിടെ സംസ്‌ഥാനത്ത് സിഎഎ നടപ്പാക്കുമെന്ന് ആഭ്യന്തര മന്ത്രി അമിത് ഷായും പറഞ്ഞിരുന്നു.
Read also: ഐപിഎൽ കളി പോലാകരുത് രാഷ്‌ട്രീയം; ജിതിൻ പ്രസാദയുടെ ബിജെപി പ്രവേശനത്തിൽ തരൂർ
