തിരുവനന്തപുരം: വെമ്പായം പഞ്ചായത്ത് പ്രസിഡണ്ടിനും വൈസ് പ്രസിഡണ്ടിനും എതിരെ കോൺഗ്രസ് അച്ചടക്ക നടപടി. പ്രസിഡന്റ് ബീന ജയനെയും വൈസ് പ്രസിഡന്റ് ജഗന്നാഥന്‍പിളളയെയുമാണ് കോണ്‍ഗ്രസ് പ്രാഥമിക അംഗത്വത്തില്‍ നിന്ന് പുറത്താക്കിയത്.
എസ്ഡിപിഐ അംഗത്തിന്റെ പിന്തുണയോടെ അധികാരത്തിലെത്തിയതിനെ തുടര്‍ന്ന് പദവികള്‍ രാജി വെക്കാന്‍ കോണ്‍ഗ്രസ് നിര്‍ദേശിച്ചിരുന്നു. ഈ നിര്‍ദേശം ഇവര്‍ അംഗീകരിച്ചിരുന്നില്ല. ഇതേത്തുടര്‍ന്നാണ് പുറത്താക്കല്‍.
21 അംഗ പഞ്ചായത്തില്‍ എല്‍ഡിഎഫിന് 9ഉം യുഡിഎഫിന് 8ഉം അംഗങ്ങളായിരുന്നു. മൂന്ന് സീറ്റുകള്‍ എന്‍ഡിഎക്ക് ലഭിച്ചു. എസ്ഡിപിഐ അംഗത്തിന്റെ പിന്തുണ കോണ്‍ഗ്രസിന് ലഭിച്ചതോടെ ഇരുമുന്നണികളും തുല്യനിലയിലായി. ഇതോടെ നറുക്കടുപ്പില്‍ യുഡിഎഫിന് ഭരണം ലഭിച്ചു. എസ്ഡിപിഐ പിന്തുണ ലഭിച്ച പഞ്ചായത്തുകളില്‍ എല്‍ഡിഫും പ്രസിഡണ്ട് സ്‌ഥാനം രാജിവച്ചിരുന്നു.
Read also: കഴക്കൂട്ടത്ത് അമ്മയെയും പെൺമക്കളെയും ഇറക്കിവിട്ട് ഷെഡ് പൊളിച്ചു; നടപടിയെടുക്കാതെ പോലീസ്
