തിരുവനന്തപുരം: സംസ്ഥാനത്തെ കോവിഡ് നിയന്ത്രണങ്ങൾ പിൻവലിച്ച് സർക്കാർ ഉത്തരവിറങ്ങി. ദുരന്തനിയമ പ്രകാരമുള്ള നടപടികളാണ് പിൻവലിച്ചത്. ആൾക്കൂട്ട നിയന്ത്രണവും സാമൂഹിക അകലവും ഒഴിവാക്കി. കേന്ദ്ര നിർദ്ദേശ പ്രകാരമാണ് സംസ്ഥാനം ഉത്തരവിറക്കിയത്.
കോവിഡ് വ്യാപനം കുറഞ്ഞ സാഹചര്യത്തിലാണ് നിയന്ത്രണങ്ങള് പിന്വലിച്ചത്. എന്നാൽ മാസ്ക് ഉപയോഗവും ശുചിത്വവും തുടരാന് ചീഫ് സെക്രട്ടറിയുടെ ഉത്തരവില് നിര്ദ്ദേശിക്കുന്നു.
അതേസമയം സംസ്ഥാനത്ത് ഇന്ന് 291 പേര്ക്കാണ് കോവിഡ് സ്ഥിരീകരിച്ചത്. കഴിഞ്ഞ 24 മണിക്കൂറിനുള്ളിൽ 15,531 സാമ്പിൾ പരിശോധനയ്ക്ക് വിധേയമാക്കി. രോഗമുക്തി നേടിയവർ 323 പേരാണ്. ഒരു കോവിഡ് മരണവും റിപ്പോർട് ചെയ്തിട്ടുണ്ട്. സ്ഥിരീകരിച്ചത് 1 പേർക്കുമാണ്. ഇന്നത്തെ ടെസ്റ്റ് പോസിറ്റിവിറ്റി ശതമാനം 1.87%വും ചികിൽസയിലുള്ളത് 2398 പേരുമാണ്.
Most Read: ലഹരി ഉപയോഗവും ബൈക്കഭ്യാസവും പരാതിപ്പെട്ടു; യുവാവിനെ മർദ്ദിച്ച് വിദ്യാർഥികൾ