കോഴിക്കോട്: സംസ്ഥാനത്ത് കോവിഡ് വ്യാപനം ഏറ്റവും കൂടുതൽ ഉണ്ടായിരുന്ന ജില്ലകളിൽ ഒന്നായ കോഴിക്കോട് രോഗവ്യാപനം നിയന്ത്രണത്തിലേക്ക് എത്തുന്നതായി ആരോഗ്യ വിദഗ്ധരുടെ വിലയിരുത്തൽ. പ്രതിവാര ടെസ്റ്റ് പോസിറ്റിവിറ്റി നിരക്ക് പ്രകാരം ജില്ലയിൽ രോഗവ്യാപനം കുറയുന്നുണ്ട്. മെയ് 9ന് അവസാനിച്ച ആഴ്ചയിൽ 28.7 ശതമാനമായിരുന്നു ടെസ്റ്റ് പോസിറ്റിവിറ്റി നിരക്ക്. എന്നാൽ കഴിഞ്ഞ ആഴ്ച ഇത് 25.5 ശതമാനമായി കുറഞ്ഞു.
കഴിഞ്ഞ മൂന്ന് ദിവസങ്ങളിലും ജില്ലയിൽ രോഗികളുടെ എണ്ണത്തിൽ കുറവുണ്ടായിട്ടുണ്ട്. ഞായറാഴ്ച 20.06 ആയിരുന്നു ടെസ്റ്റ് പോസിറ്റിവിറ്റി നിരക്കെങ്കിൽ ഇന്നലെയത് 17.61 ശതമാനമായി കുറഞ്ഞു. അതേസമയം, ചില പ്രദേശങ്ങളിൽ രോഗവ്യാപനം തീവ്രമാണ്. 23 നഗരസഭകളിൽ പ്രതിവാര ടിപിആർ 30 ശതമാനത്തിനു മുകളിലാണ്. ടിപിആർ 35 ശതമാനം മുതൽ 45 ശതമാനം വരെയുള്ള 5 നഗരസഭകളുണ്ട്. ഒളവണ്ണ (45%), തൂണേരി (44%), കോട്ടൂർ (38%), ചേളന്നൂർ ( 37%), രാമനാട്ടുകര (37%) നഗരസഭയിലുമാണ് രോഗവ്യാപനം കൂടുതൽ.
വീടുകളിൽ കോവിഡ് ചികിൽസയിൽ കഴിയുന്നവരിൽ നിന്ന് വീട്ടിലെ മറ്റ് അംഗങ്ങളിലേക്ക് രോഗം പകരുന്നതാണ് പല മേഖലകളിലും രോഗ വ്യാപനം കുറയാതിരിക്കാൻ കാരണമെന്നാണ് ആരോഗ്യ വകുപ്പിന്റെ വിലയിരുത്തൽ.
Malabar News: കടൽ ക്ഷോഭത്തിന്റെ ബാക്കിപത്രമായി തീര മേഖലകളിൽ മാലിന്യക്കൂമ്പാരം