സോൾ: ഒരാൾക്ക് പോലും രോഗമില്ലെന്ന് വാദിച്ചിരുന്ന ഉത്തര കൊറിയയിൽ കോവിഡ് വ്യാപനം രൂക്ഷം. മൂന്ന് ദിവസത്തിനിടെ 8,20,620 പേരാണ് രോഗബാധിതരായത്. 42 പേർ മരിച്ചു. 3,24,550 പേർ ചികിൽസയിൽ കഴിയുന്നു. നഗരങ്ങളും പ്രവിശ്യകളും അടക്കം രാജ്യം മുഴുവൻ ലോക്ക്ഡൗണിലാണ്. രോഗികളുടെ എണ്ണം വർധിച്ചത് രാജ്യത്തെ ആരോഗ്യമേഖലയെ ഗുരുതരമായി ബാധിച്ചിട്ടുണ്ട്.
ഇതിനിടെ പ്രസിഡണ്ട് കിം ജോങ് ഉൻ ഏഴാമത്തെ ആണവപരീക്ഷണത്തിന് ഒരുങ്ങുകയാണെന്ന റിപ്പോർട്ടുകളും പുറത്തുവന്നിരുന്നു. രോഗവ്യാപനത്തിൽ നിന്നും ശ്രദ്ധ തിരിക്കുകയാണ് ഇതിലൂടെ കിം ലക്ഷ്യമിടുന്നതെന്നും നിരീക്ഷകർ ചൂണ്ടിക്കാട്ടുന്നു.
Most Read: കേരളത്തിലും ആം ആദ്മി സര്ക്കാര് വരും; അരവിന്ദ് കെജ്രിവാള്