ന്യൂഡെല്‍ഹി: സെറം ഇൻസ്‌റ്റിറ്റ്യുട്ട് ഓഫ് ഇന്ത്യയുടെ ഓക്‌‌സ്‌ഫഡ് കോവിഷീല്‍ഡ് വാക്സിന് 200 രൂപ വില നിശ്‌ചയിക്കാന്‍ ധാരണയായി. പത്തു കോടി ഡോസുകള്‍ക്ക് 200 രൂപ വീതം വില ധാരണയായെന്നും കേന്ദ്രസര്‍ക്കാര്‍ വാക്സിന് ഓര്‍ഡര്‍ നല്‍കിയതായും മുഖ്യമന്ത്രിമാരുടെ യോഗത്തില്‍ പ്രധാനമന്ത്രി അറിയിച്ചു.
ആദ്യഘട്ടമായി 1.10 കോടി ഡോസുകള്‍ ഉടനെ വിതരണം ചെയ്യും. കേന്ദ്രം നേരിട്ട് ഇടപെടുന്നതിനാല്‍ ആശയക്കുഴപ്പങ്ങള്‍ ഒഴിവാക്കാനാകുമെന്ന് മുഖ്യമന്ത്രിമാരുടെ യോഗത്തില്‍ പ്രധാനമന്ത്രി പറഞ്ഞു.
ജനുവരി 16ന് വാക്സിന് പുറത്തിറക്കാന്‍ സാധിക്കുമെന്ന് കേന്ദ്രസര്‍ക്കാര്‍ നേരത്തേ അറിയിച്ചിരുന്നു. കോവിഷീല്‍ഡ് വാക്‌സിനും കോവാക്‌സിനുമാണ് അടിയന്തര ഉപയോഗത്തിനായി കേന്ദ്രസര്‍ക്കാര്‍ അനുമതി നല്‍കിയിരിക്കുന്നത്. സെറം ഇൻസ്‌റ്റിറ്റ്യൂട്ടിന്റെ പൂനെ കേന്ദ്രത്തില്‍ വിതരണത്തിനുള്ള കോവിഷീല്‍ഡിന്റെ ആദ്യഘട്ടം ഉടന്‍ പുറത്തിറക്കുമെന്നാണ് പ്രതീക്ഷിക്കുന്നത്.
Read also: തിരഞ്ഞെടുപ്പിൽ പരാജയപ്പെട്ടാൽ ബിജെപി പ്രവർത്തകർ ട്രംപ് അനുഭാവികളെ പോലെ പെരുമാറും; മമത
