മുംബൈ: ബോളിവുഡ് നടി കങ്കണ റണൗട്ടിനെതിരെ മഹാരാഷ്‌ട്ര ഹൈക്കോടതി വാറണ്ട് പുറപ്പെടുവിച്ചു. കവിയും ഗാനരചയിതാവും എഴുത്തുകാരനുമായ ജാവേദ് അക്‌തര്‍ നല്‍കിയ മാനനഷ്‌ടക്കേസുമായി ബന്ധപ്പെട്ടാണ് കങ്കണക്കെതിരായ വാറണ്ട്.
കേസിൽ മാര്‍ച്ച് ഒന്നിനകം കോടതിയില്‍ ഹാജരാകണമെന്ന് ആവശ്യപ്പെട്ട് അന്ധേരി മെട്രോപൊളിറ്റന്‍ മജിസ്‌ട്രേറ്റ് കോടതി കങ്കണക്ക് സമന്‍സ് അയച്ചിരുന്നു. എന്നാല്‍ ഇതുവരെയും കോടതിയിൽ ഹാജരാവാൻ കങ്കണ തയ്യാറായിട്ടില്ല. ഇതേതുടര്‍ന്നാണ് വാറണ്ട് പുറപ്പെടുവിച്ചത്. കേസില്‍ അടുത്ത വിചാരണ മാര്‍ച്ച് 22ലേക്ക് മാറ്റി.
ജാവേദ് അക്‌തര്‍ ബോളിവുഡ് മാഫിയയിലെ അംഗമാണെന്ന കങ്കണയുടെ ആരോപണത്തെ തുടർന്നാണ് അക്‌തർ കോടതിയെ സമീപിച്ചത്. കർഷക സമരത്തെ എതിർത്തും ബിജെപിയെ പിന്തുണച്ചും കങ്കണ അടുത്ത കാലത്തായി നടത്തിയ പല പ്രസ്‌താവനകളും വൻ വിവാദമായിരുന്നു.
Read also: ജനങ്ങൾക്ക് മോദി സർക്കാരിന്റെ വക ‘വിലക്കയറ്റ’ ഡോസ്; പരിഹസിച്ച് കോൺഗ്രസ്
