മൂംബൈ: ‘ഇന് ടു ദ വൈല്ഡ്’ എന്ന ടെലിവിഷന് പരിപാടിയുടെ സ്പെഷല് എപ്പിസോഡിനായുള്ള പ്രമോഷന് പരിപാടിക്കിടെയാണ് ഗോമൂത്രം കുടിക്കാറുണ്ടെന്ന് അക്ഷയ് കുമാര് വെളിപ്പെടുത്തിയത്. ചാനല് താരം ബെയര് ഗ്രില്സും ബോളിവുഡ് നടി ഹുമ ഖുറേഷിക്കുമൊപ്പം ഇന്സ്റ്റഗ്രാമിലെ ലൈവ് ചാറ്റിനിടെയാണ് താരം വെളിപ്പെടുത്തല് നടത്തിയത്. ബെല് ബോട്ടം എന്ന സിനിമയില് അക്ഷയ് കുമാറിനൊപ്പം വേഷമിട്ട നടിയാണ് ഹുമ ഖുറേഷി. ലോക പ്രശസ്ത സര്വൈവല് പരിശീലകനും സാഹസികനുമായ ബെയര് ഗ്രില്സ് ബ്രിട്ടീഷ് പൗരനും മോദിയെ കാട്ടില്കൊണ്ടു പോയി പ്രോഗ്രാം ഷൂട്ട് ചെയ്ത് പ്രക്ഷേപണം നടത്തി ഇന്ത്യക്കാര്ക്കിടയില് പ്രശസ്തി നേടിയ ചാനല് താരം കൂടിയാണ്.
ആനപ്പിണ്ടം കൊണ്ടുണ്ടാക്കിയ ചായയെക്കുറിച്ച് ചോദിച്ചപ്പോഴാണ് തനിക്കത് കുടിക്കാന് പ്രയാസമില്ല. കാരണം, ‘ഞാന് ആയുര്വേദ കാരണങ്ങളാല് എല്ലാ ദിവസവും ഗോമൂത്രം കഴിക്കാറുണ്ടായിരുന്നു’ ബോളിവുഡിന്റെ ‘ഖിലാഡി കുമാര്’ പറഞ്ഞു. ആരോഗ്യപരമായി കാരണങ്ങള് കൊണ്ടാണ് ഗോമൂത്രം കഴിച്ചിരുന്നതെന്നും ഖിലാഡി കൂട്ടിച്ചേര്ത്തു.
വെളിപ്പെടുത്തല് ഈ വീഡിയോയില് കാണാം:
ഗോമൂത്രം കുടിച്ചാണ് ക്യാന്സര് മാറിയതെന്ന് വെളിപ്പെടുത്തിയ പ്രജ്ഞാ സിങ്ങ് ഠാക്കൂര്, ഗോമൂത്രം കൊറോണക്ക് മരുന്നാണ് എന്ന് പറയുന്ന ബിജെപി എം.പി ദിലീപ് ഘോഷ് എന്നീ സമകാലിക പ്രശസ്തരുടെ മുന്പന്തിയില് ഇനി ബോളിവുഡിന്റെ ഖിലാഡി കുമാറും ഉണ്ടാകും.
Entertainment News: ജിം പരിശീലകന് റേഞ്ച് റോവര് സമ്മാനിച്ച് നടന് പ്രഭാസ്