തിരൂര്: പുല്ലൂര് വെങ്ങാലൂരില് വീട്ടില് നിന്ന് മയക്കുമരുന്ന് പിടികൂടി. വെങ്ങാലൂര് കട്ടചിറക്കല് നദീമിന്റെ (23) വീട്ടിൽ നിന്നാണ് 10.630 ഗ്രാം എംഡിഎംഎയും 50 ഗ്രാം കഞ്ചാവും പിടികൂടിയത്. ഇയാള് ഓടിരക്ഷപ്പെട്ടു. നദീം സ്ഥിരമായി ബംഗളൂരുവില് നിന്ന് ലഹരി വസ്തുക്കള് കൊണ്ടുവന്ന് വില്പന നടത്തുന്നതായി തിരൂര് എക്സൈസ് സര്ക്കിള് ഇന്സ്പെക്ടര് സുമേഷിന് കിട്ടിയ രഹസ്യവിവരത്തിന്റെ അടിസ്ഥാനത്തിൽ ആയിരുന്നു പരിശോധന. പിടിച്ചെടുത്ത മയക്കുമരുന്നിന് മാർക്കറ്റിൽ 75,000 രൂപയോളം വിലവരും. കൗമാരക്കാരായ വിദ്യാര്ഥികളെ ലക്ഷ്യമിട്ടാണ് മയക്കുമരുന്ന് എത്തിക്കുന്നതെന്നും നദീമിനെ പിടികൂടാന് ശ്രമം ഊര്ജിതമാക്കിയതായും എക്സൈസ് സര്ക്കിള് ഇന്സ്പെക്ടര് അറിയിച്ചു.
Read also: മന്ത്രി ജി സുധാകരന് ബിജെപി നേതാവിന്റെ മൃത്യുഞ്ജയ ഹോമം