അബുദാബി: ദുബായ് എക്സ്പോ നാളെ സമാപിക്കും. എക്സ്പോയുടെ ഉൽഘാടനത്തിന് വേദിയായ അൽ വാസൽ പ്ളാസയിൽ മാർച്ച് 31ന് നടക്കുന്ന സമാപന ചടങ്ങോടെയാണ് എക്സ്പോ 2020ന് തിരശീല വീഴുന്നത്. കഴിഞ്ഞ വർഷം ഒക്ടോബർ ഒന്നാം തീയതിയാണ് എക്സ്പോ ആരംഭിച്ചത്.
ഇന്ത്യയുൾപ്പടെ വിവിധ രാജ്യങ്ങളുടെ പവലിയനുകൾ ദുബായ് എക്സ്പോയിൽ അവതരിപ്പിച്ചിരുന്നു. എക്സ്പോയിൽ കേരളത്തിൽ നിന്നും തമിഴ്നാട്ടിൽ നിന്നും പവലിയനുണ്ടായിരുന്നു. കേരളത്തിന്റെ പവലിയൻ മുഖ്യമന്ത്രി പിണറായി വിജയനും, തമിഴ്നാടിന്റേത് മുഖ്യമന്ത്രി എംകെ സ്റ്റാലിനുമാണ് ഉൽഘാടനം ചെയ്തത്.
അതേസമയം തന്നെ 2030 വേൾഡ് എക്സ്പോയ്ക്ക് വേദിയാകുന്ന രാജ്യത്തിന്റെ തിരഞ്ഞെടുപ്പും ഇനി ആരംഭിക്കും. ഇന്റർനാഷണല് ബ്യൂറോ ഓഫ് എക്സിബിഷൻസ്(ബിഐഇ) ആണ് വേൾഡ് എക്സ്പോക്കുളള വേദി തിരഞ്ഞെടുക്കുന്നത്. അഞ്ച് ഘട്ടങ്ങളിലായി നടക്കുന്ന തിരഞ്ഞെടുപ്പ് പ്രക്രിയക്ക് ഇതുവരെ അപേക്ഷ നൽകിയത് സൗദി അറേബ്യ, ദക്ഷിണ കൊറിയ, റഷ്യ, യുക്രൈൻ, ഇറ്റലി എന്നീ 5 രാജ്യങ്ങളാണ്. 2023 അവസാനത്തോടെയാണ് തിരഞ്ഞെടുപ്പ് നടപടികൾ പൂർത്തിയാകുക.
Read also: സംസ്ഥാനത്തെ ആരോഗ്യ മേഖലയില് യുഎസ് പങ്കാളിത്തം ഉറപ്പാക്കും