പാലക്കാട്: നഗരസഭയിൽ ബിജെപി-യുഡിഎഫ് കൗൺസിലർമാർ തമ്മിൽ കയ്യാങ്കളി. യുഡിഎഫ് കൗൺസിലർമാർക്ക് അനുവദിച്ചിരുന്ന മുറി ഒഴിവാക്കിയതിനെ ചൊല്ലിയാണ് സംഘർഷം ഉണ്ടായത്. സംഘർഷത്തിനിടെ ചില അംഗങ്ങൾക്ക് പരിക്കേറ്റിട്ടുണ്ട്. തുടർന്ന് പോലീസ് എത്തിയാണ് പ്രശ്‌നം പരിഹരിച്ചത്. ഇന്ന് രാവിലെയാണ് സംഭവം.
ഇന്ന് രാവിലെ പൂട്ടിയിട്ടിരുന്ന മുറിയുടെ പൂട്ട് പൊളിച്ച് കയറാനുള്ള യുഡിഎഫ് അംഗങ്ങളുടെ ശ്രമം ബിജെപി അംഗങ്ങൾ തടയുകയായിരുന്നു. തുടർന്നാണ് കയ്യാങ്കളിയിൽ എത്തിയത്. സംഘർഷത്തിനിടെ ചില അംഗങ്ങൾക്ക് പരിക്ക് പറ്റിയതോടെ പോലീസ് സ്‌ഥലത്ത് എത്തുകയായിരുന്നു. തുടർന്ന് നടത്തിയ ചർച്ചയിലാണ് പ്രശ്‌നം പരിഹരിച്ചത്.
ബിജെപിയുടെ ഭരണ പരാജയം ചൂണ്ടിക്കാട്ടി യുഡിഎഫ് അംഗങ്ങൾ സമരം നടത്തിയിരുന്നു. ഇതിന്റെ വൈരാഗ്യത്തിലാണ് യുഡിഎഫ് കൗൺസിലർമാർക്ക് അനുവദിച്ചിരുന്ന മുറി യാതൊരു മുന്നറിയിപ്പും ഇല്ലാതെ ഒഴിവാക്കിയതെന്നാണ് യുഡിഎഫിന്റെ ആക്ഷേപം. അതേസമയം, പ്രതിപക്ഷത്തിന് പ്രത്യേക മുറി ആവശ്യമില്ലെന്നും വേണമെങ്കിൽ മറ്റൊരിടത്ത് മുറി അനുവദിക്കാമെന്നുമാണ് ബിജെപിയുടെ നിലപാട്.
Read Also: നികുതി ചോർച്ച തടയാൻ കർശന നടപടികൾ സ്വീകരിക്കും; ധനമന്ത്രി
