ലക്‌നൗ: യുപിയിൽ സഹാറന്‍പുർ–ഡെൽഹി പാസഞ്ചർ ട്രെയിനിൽ തീപിടുത്തം. സഹാറൻപൂരിൽ നിന്നും ഡെൽഹിയിലേക്കുള്ള യാത്രാമധ്യേ മീററ്റിലെ ഡാറുല റെയിൽവ സ്‌റ്റേഷനിൽ നിർത്തിയിട്ടിരിക്കുമ്പോഴാണ് തീപിടുത്തം ഉണ്ടായത്. സംഭവ സമയത്ത് ട്രെയിനിൽ ഉണ്ടായിരുന്ന യാത്രക്കാർ സുരക്ഷിതരാണെന്നും, ആളപായമുണ്ടായിട്ടില്ലെന്നും അധികൃതർ വ്യക്‌തമാക്കി.
ട്രെയിനിന്റെ എഞ്ചിൻ ഭാഗത്താണ് തീപിടുത്തം ഉണ്ടായത്. തുടർന്ന് സമീപമുള്ള രണ്ട് കംപാർട്ടുമെന്റുകളിലേക്ക് പടരുകയും ചെയ്‌തു. അതിന് പിന്നാലെ ട്രെയിനിൽ നിന്നും ആളുകൾ ചാടിയിറങ്ങുകയും, തീ പടരാതിരിക്കാൻ മറ്റ് കംപാർട്ടുമെന്റുകൾ തീ പിടുത്തമുണ്ടായ ബോഗികളിൽ നിന്ന് തള്ളി മാറ്റുകയും ചെയ്‌തു. അതിനാൽ തന്നെ തീ കൂടുതൽ പടർന്ന് വലിയ അപകടം ഉണ്ടാകുന്നത് ഒഴിവായി. അതേസമയം തീപിടുത്തം ഉണ്ടായതിന്റെ കാരണം വ്യക്‌തമല്ലെന്ന് റെയിൽവേ ട്രാഫിക് ഇൻസ്‌പെക്‌ടർ വൈകെ താഹ മാദ്ധ്യമങ്ങളോട് പറഞ്ഞു.
Read also: ഇന്ത്യൻ വിദ്യാർഥികൾക്കായി ബസുകൾ ഒരുക്കി റഷ്യ; മറ്റ് വിദേശീയരെയും ഒഴിപ്പിക്കും
