തൃശൂർ : ജില്ലയിലെ കൊരട്ടി ദേശീയപാതയിൽ വൻ കഞ്ചാവ് വേട്ട. ദേശീയപാതയിൽ പോലീസ് നടത്തിയ വാഹന പരിശോധനയിൽ 200 കിലോ കഞ്ചാവാണ് പിടികൂടിയത്. ഇതിനെ തുടർന്ന് 5 പേരെ പോലീസ് അറസ്റ്റ് ചെയ്യുകയും ചെയ്തു.
ലാലൂർ സ്വദേശി ജോസ്, മണ്ണുത്തി സ്വദേശി സുബീഷ്, പഴയന്നൂർ സ്വദേശി മനീഷ്, തമിഴ്നാട് സ്വദേശി സുരേഷ്, താണിക്കുടം സ്വദേശി രാജീവ് എന്നിവരെയാണ് പോലീസ് അറസ്റ്റ് ചെയ്തത്. കാറിലും ലോറിയിലുമായാണ് ഇവർ 200 കിലോ കഞ്ചാവ് കടത്താൻ ശ്രമിച്ചത്. തുടർന്ന് പോലീസ് ഇവരുടെ വാഹനങ്ങളും പിടിച്ചെടുത്തിട്ടുണ്ട്.
ചെറുകിട കച്ചവടക്കാർക്ക് വിതരണം ചെയ്യുന്നതിനായാണ് കേരളത്തിലേക്ക് ഇവർ കഞ്ചാവ് കടത്തിയതെന്ന് പോലീസ് വ്യക്തമാക്കി. വിശാഖപട്ടണത്ത് നിന്നും തമിഴ്നാട് വഴിയാണ് ഇവർ കേരളത്തിലേക്ക് കഞ്ചാവ് കടത്തിയത്. നിലവിൽ അറസ്റ്റിലായ പ്രതികളെ കോടതിയിൽ ഹാജരാക്കുമെന്നും അധികൃതർ വ്യക്തമാക്കി.
Read also : നീലചിത്ര നിർമാണം; കുന്ദ്രയുടെ സഹോദരീ ഭര്ത്താവിനും പങ്കെന്ന് ശിൽപാ ഷെട്ടി