ന്യൂഡെൽഹി: മുന് കേന്ദ്രമന്ത്രിയും ബിജെപി ലോക്സഭാ എംപിയുമായ ബാബുൽ സുപ്രിയോ രാഷ്ട്രീയ പ്രവര്ത്തനം ഉപേക്ഷിക്കുന്നു. തന്റെ ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം അറിയിച്ചത്. എന്നാൽ മറ്റൊരു രാഷ്ട്രീയ പാര്ട്ടിയിലും ചേരാന് താന് ഉദ്ദേശിച്ചിട്ടില്ലെന്നും അദ്ദേഹം പറഞ്ഞു. സാമൂഹിക സേവനമാണ് തന്റെ ലക്ഷ്യമെന്നും രാഷ്ട്രീയ പ്രവര്ത്തനവുമായി അത് കൂട്ടിക്കെട്ടുന്നില്ലെന്നും സുപ്രിയോ പറഞ്ഞു.
‘എന്റെ ഭാര്യയും മക്കളും മാതാപിതാക്കളും സുഹൃത്തുക്കളും പറയുന്നത് ഞാന് അനുസരിക്കുന്നു. വേറെ ഒരു പാര്ട്ടിയിലും അംഗത്വം എടുക്കുന്നതിനെപ്പറ്റി ഞാന് ആലോചിച്ചിട്ടില്ല. കോണ്ഗ്രസിലും സിപിഎമ്മിലും ചേരുന്നില്ല, ഒരു പാര്ട്ടിയില് ചേരാനും ക്ഷണമുണ്ടായിട്ടുമില്ല. ബംഗാളിലെ ബിജെപിക്കായി എന്നും നിലകൊള്ളും’ ബാബുൽ തന്റെ ഫേസ്ബുക്ക് പോസ്റ്റിലൂടെ വ്യക്തമാക്കി.
Read Also: പഞ്ചാബിൽ തിങ്കളാഴ്ച മുതൽ സ്കൂളുകൾ പൂർണതോതിൽ തുറന്ന് പ്രവർത്തിക്കും