തലപ്പാടി: ഇന്ധനവില കേരളത്തേക്കാൾ കുറവായതിനാൽ തലപ്പാടി അതിർത്തിയിലെ കർണാടകയുടെ ഭാഗത്തുള്ള പെട്രോൾ പമ്പിൽ വൻ തിരക്ക്. പെട്രോളിന് അഞ്ച് രൂപയും ഡീസലിന് എട്ട് രൂപയും കേരളത്തേക്കാൾ കുറവാണിവിടെ. പമ്പ് കർണാടകയുടെ ആണെങ്കിലും ഇവിടെ എത്തുന്നവരിൽ ബഹുഭൂരിപക്ഷവും മഞ്ചേശ്വരത്തുകാരാണ്.
ഉപ്പളയിലും ഹൊസങ്കടിയിലും മഞ്ചേശ്വരത്തും ഓടുന്ന ഓട്ടോറിക്ഷകളും തലപ്പാടി വരെ സർവീസ് നടത്തുന്ന സ്വകാര്യ ബസുകളുമാണ് വിലക്കുറവ് കാരണം ഈ പമ്പിലേക്ക് എത്തുന്നത്. നൂറിനും നൂറ്റൻപത്തിനും ഇന്ധനമാടിക്കുന്ന ഇരുചക്ര വാഹനങ്ങളേക്കാൾ ഫുൾ ടാങ്ക് അടിക്കുന്ന ബസുകൾക്കും ഓട്ടോകൾക്കുമാണ് പ്രയോജനമേറെ.
കാസർഗോഡ് പെട്രോളിന് 105 രൂപയാണ് വില, തലപ്പാടിയിൽ 99 രൂപയും. ഡീസലിന് 92 രൂപയുള്ളപ്പോൾ ഇവിടെ 84 രൂപ മതി. ബിജെപി ഭരിക്കുന്ന കർണാടകയുടെ നികുതിയിളവ് കേരളത്തിന്റെ വടക്കേയറ്റത്തുള്ള ഉപഭോക്താക്കൾക്ക് വലിയ ആശ്വാസമാണ് നൽകുന്നത്.
Also Read: ദത്ത് വിവാദം; റിപ്പോർട് തേടി വീണ്ടും വനിതാ കമ്മീഷന്റെ കത്ത്