തൃശൂർ: കോവിഡ് വ്യാപനത്തിന്റെ പശ്ചാത്തലത്തില് ഗുരുവായൂര് ക്ഷേത്രത്തിനുള്ളില് പ്രവേശിക്കുന്നതിന് ഭക്തര്ക്ക് വിലക്കേര്പ്പെടുത്തി. ഇനിയൊരു അറിയിപ്പ് ഉണ്ടാകുന്നതുവരെ ഭക്തജനങ്ങള്ക്ക് പ്രവേശനമുണ്ടാകില്ലെന്ന് ക്ഷേത്രം ഭാരവാഹികൾ അറിയിച്ചു.
അതേസമയം പ്രതിദിനം 80 വിവാഹങ്ങള് നടത്താൻ അനുമതിയുണ്ട്. വിവാഹ സംഘത്തില് പത്ത് പേര് മാത്രമേ പങ്കെടുക്കാൻ പാടുള്ളു. വാഹനപൂജ നടത്താനും അനുമതിയുണ്ട്.
കഴിഞ്ഞ ദിവസം തൃശൂര് വടക്കുംനാഥ ക്ഷേത്രത്തില് ആനയൂട്ടിനും അനുമതി നല്കിയിരുന്നു. 15 ആനകളെ പങ്കെടുപ്പിച്ച് ആനയൂട്ട് നടത്താനാണ് ആരോഗ്യ വകുപ്പ് അനുമതി നല്കിയത്. കോവിഡ് പ്രോട്ടോക്കോള് പാലിച്ചു കൊണ്ടായിരിക്കും ചടങ്ങുകള് നടത്തുക.
ഇത്തവണ തൃശൂര് നഗരത്തിലും പരിസര പ്രദേശങ്ങളിലുമുള്ള ആനകളാണ് എത്തുക. എന്നാൽ ആനയൂട്ട് കാണാന് ആളുകള്ക്ക് പ്രവേശനമുണ്ടാകില്ല. ക്ഷേത്ര ഭാരവാഹികള്ക്കും ആന പാപ്പാൻമാര്ക്കും മാത്രമാകും പ്രവേശനം. കടുത്ത നിയന്ത്രണങ്ങളെത്തുടർന്ന് കഴിഞ്ഞ തവണ ഒരു ആന മാത്രമാണ് ആനയൂട്ടിൽ പങ്കെടുത്തത്.
Most Read: ഓൺലൈൻ മദ്യ വിതരണം ആലോചനയിൽ പോലുമില്ല; മന്ത്രി എംവി ഗോവിന്ദൻ