തിരുവനന്തപുരം : വയനാട്ടില് കോവിഡ് ബാധിച്ച് മരണമടഞ്ഞ ആരോഗ്യപ്രവര്ത്തക യുകെ അശ്വതിക്ക്(24) ആരോഗ്യ വകുപ്പ് മന്ത്രി കെകെ ശൈലജ ആദരാജ്ഞലികള് അര്പ്പിച്ചു. ജില്ലാ ടിബി പ്രോഗ്രാമിന് കീഴില് സുല്ത്താന് ബത്തേരി പബ്ളിക് ഹെല്ത്ത് ലാബില് എന്ടിഇപി ലാബ് ടെക്നീഷ്യനായി ജോലി ചെയ്യുകയായിരുന്നു അശ്വതി. തുടർന്ന് കോവിഡ് ബാധിച്ച് മാനന്തവാടി കോവിഡ് ആശുപത്രിയില് ചികിൽസയിലായിരുന്നു.
അസുഖം മൂര്ഛിച്ചതിനെ തുടര്ന്ന് വിദഗ്ധ ചികിൽസക്കായി കോഴിക്കോട് മെഡിക്കല് കോളേജിലേക്ക് കൊണ്ടുപോകും വഴിയായിരുന്നു മരണം. വൃക്കസംബന്ധമായ അസുഖവും ഉണ്ടായിരുന്നു. കോവിഡിനെതിരായ പോരാട്ടം ശക്തമാക്കുന്ന സമയത്ത് അശ്വതിയുടെ വേര്പാട് ഒരു തീരാദുഃഖമാണ്. അശ്വതിയുടെ അകാല വേര്പാടില് കുടുംബത്തിന്റെ ദുഃഖത്തോടൊപ്പം പങ്കുചേരുന്നതായും മന്ത്രി വ്യക്തമാക്കി.
Read also : ആരോഗ്യ പ്രവർത്തക കോവിഡ് ബാധിച്ച് മരിച്ചു