മലപ്പുറം: ഇന്ന് സർക്കാർ പുറത്തിറക്കിയ കണക്ക് അനുസരിച്ച് തൃശൂർ ജില്ലയിൽ ആകെ രോഗബാധിതർ 631 ആണ്. ഇതിൽ 614 പേർക്കും സമ്പർക്കത്തിലൂടെയാണ് രോഗം ബാധിച്ചത്. ജാഗ്രതക്കുറവ് ഉണ്ടാക്കുന്ന ഈ രോഗബാധ തടയാൻ സാധിച്ചിരുന്നുവെങ്കിൽ ഇന്ന് തൃശൂർ ജില്ലയിൽ ഉറവിടം വ്യക്തമല്ലാത്ത 17 പേരിൽ മാത്രമായിരിക്കും കോവിഡ് ബാധ.
സമാനമായ സ്ഥിതിവിശേഷമാണ് മലപ്പുറത്തും. ജില്ലയിൽ ഇന്ന് രോഗ ബാധിതരായവരുടെ കണക്കുകൾ അനുസരിച്ച് ആകെ രോഗബാധിതർ 862 ആണ്. ഇതിൽ 836 പേർക്കും സമ്പർക്കത്തിലൂടെയാണ് രോഗം ബാധിച്ചത്. അതായത് 96.98 ശതമാനവും ജാഗ്രതക്കുറവ് ഉണ്ടാക്കുന്ന സമ്പർക്ക രോഗബാധയാണ്. ഒന്നുകൂടി വ്യക്തമാക്കിയാൽ ഉറവിടം വ്യക്തമല്ലാത്ത 26 പേരിൽ മാത്രമായി ജില്ലയിലെ രോഗബാധ കുറയുമായിരുന്നു.
ഉറവിടം വ്യക്തമല്ലാത്ത രോഗബാധ നിയന്ത്രിക്കൽ സാധ്യമായെന്നു വരില്ല. പക്ഷെ, ജാഗ്രതക്കുറവ് ഒന്ന് കൊണ്ടുമാത്രം സംഭവിക്കുന്നതാണ് സമ്പർക്ക രോഗബാധ.
Most Read: ‘ഇടത് സർക്കാരിനെ അട്ടിമറിക്കാൻ ഗൂഢശ്രമം നടക്കുന്നു’; സീതാറാം യെച്ചൂരി