മലപ്പുറം: പോസ്‌റ്ററുകളും പ്രതിഷേധങ്ങളും ഫലം കണ്ടില്ല. പൊന്നാനിയിൽ പി നന്ദകുമാർ തന്നെ സിപിഎം സ്‌ഥാനാർഥിയാകും. സംസ്‌ഥാന നേതൃത്വത്തിന്റെ നിർദ്ദേശം ജില്ലാ കമ്മിറ്റി അംഗീകരിച്ചു. നേരത്തെ പൊന്നാനിയിൽ സിപിഎം ജില്ലാ സെക്രട്ടറിയേറ്റ് അംഗം ടിഎം സിദ്ദീഖിനെ സ്‌ഥാനാർഥിയാക്കണം എന്ന് ആവശ്യപ്പെട്ട് സിപിഎം ഏരിയാ കമ്മിറ്റി ഓഫീസിന് മുന്നിൽ പോസ്‌റ്ററുകൾ പ്രത്യക്ഷപ്പെട്ടിരുന്നു.
എന്നാൽ, ഈ ആവശ്യങ്ങൾ ജില്ലാ കമ്മിറ്റി തള്ളുകയും സംസ്‌ഥാന നേതൃത്വത്തിന്റെ നിർദ്ദേശം അംഗീകരിക്കുകയും ആയിരുന്നു. അതേസമയം, ഏറനാട് മണ്ഡലത്തിൽ യു ഷറഫലിക്ക് വിജയസാധ്യത കുറവാണെന്ന് ജില്ലാ കമ്മിറ്റിയിൽ അഭിപ്രായങ്ങൾ ഉയർന്നു. പകരം കെടി അബ്‌ദു റഹിമാനെ പരിഗണിക്കണമെന്നാണ് ആവശ്യം. എന്നാൽ ഇക്കാര്യത്തിൽ അന്തിമ തീരുമാനം ആയിട്ടില്ല.
Also Read: സികെ ജാനു തിരികെ എൻഡിഎയിലേക്ക്; പ്രഖ്യാപനം വിജയയാത്രയുടെ സമാപന വേദിയിൽ
