ന്യൂഡെൽഹി: രാജ്യത്തെ അന്താരാഷ്ട്ര വിമാന സര്വീസുകള്ക്കുള്ള നിയന്ത്രണങ്ങള് നീക്കുന്നു. മാര്ച്ച് 27 മുതല് അന്താരാഷ്ട്ര വിമാന സര്വീസുകള് പഴയ നിലയിലാകും. കോവിഡ് മൂലം 2020 മാര്ച്ചിലാണ് അന്താരാഷ്ട്ര വിമാന സര്വീസുകള്ക്ക് നിയന്ത്രണം ഏര്പ്പെടുത്തിയത്. രണ്ട് വര്ഷത്തിന് ശേഷമാണ് ഈ നിയന്ത്രണങ്ങള് നീക്കുന്നത്.
വ്യോമയാന മന്ത്രാലയമാണ് ഇത് സംബന്ധിച്ച് തീരുമാനമെടുത്തത്. അന്താരാഷ്ട്ര യാത്രകള്ക്കായി ആരോഗ്യ മന്ത്രാലയം പുറപ്പെടുവിച്ചിട്ടുള്ള നിര്ദ്ദേശങ്ങള് കര്ശനമായി പാലിക്കണമെന്നും വ്യോമയാന മന്ത്രാലയത്തിന്റെ ഉത്തരവിൽ പറയുന്നുണ്ട്. നേരത്തെ കോവിഡ് വ്യാപനം രൂക്ഷമായതിന് പിന്നാലെയായിരുന്നു അന്താരാഷ്ട്ര വിമാനങ്ങൾക്ക് ഇന്ത്യ വിലക്ക് ഏർപ്പെടുത്തിയത്.
Read Also: മാനുഷിക ഇടനാഴി തുറന്നു; സുമിയിൽ നിന്ന് ഇന്ത്യൻ വിദ്യാർഥികളെ ഒഴിപ്പിച്ചു തുടങ്ങി