തൊടുപുഴ : കഴിഞ്ഞ തിരുവോണദിവസം തൊടുപുഴയില്‍ മാദ്ധ്യമപ്രവര്‍ത്തകന്‍ ആക്രമിക്കപ്പെട്ട കേസില്‍ 7 പ്രതികളെ അറസ്റ്റ് ചെയ്തു. പ്രതികള്‍ കരിമണ്ണൂര്‍ സ്വദേശികളാണ്. ബിപിന്‍, അജി, ഷെമന്റോ,ശ്യാം, ഷാജി, ഫ്ളമെന്റ് എന്നിവരാണ് അറസ്റ്റിലായത്. ഇതുവരെ അറസ്റ്റിലായ പ്രതികളെല്ലാം 18 നും 25 നും ഇടയില്‍ പ്രായമുള്ളവരാണ്. ഇവര്‍ക്കെതിരെ വധശ്രമത്തിന് പോലീസ് കേസെടുത്തു.
തിരുവോണദിവസം രാത്രി വീട്ടിലേക്ക് പോകുന്ന വഴിയാണ് ജനയുഗം ലേഖകന്‍ ജോമോന്‍ സേവ്യര്‍ ക്രൂരമായി മര്‍ദ്ദനത്തിന് ഇരയായത്. മര്‍ദ്ദനത്തില്‍ തലക്കും മുഖത്തും പരിക്കേറ്റിരുന്നു. അക്രമ സംഘത്തില്‍ 12 പേര്‍ ഉണ്ടായിരുന്നു. ഇവരില്‍ 5 പേരെ ഇനിയും കണ്ടെത്താനുണ്ട്.
