തിരുവനന്തപുരം: കേരളാ കോണ്ഗ്രസ് ജോസ് കെ മാണി ഗ്രൂപ്പിന്റെ ഇടത് പ്രവേശനത്തില് സിപിഐഎം-സിപിഐ നേതാക്കള് ചര്ച്ച നടത്തി. ചര്ച്ചയില് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്, സിപിഐ സംസ്ഥാന സെക്രട്ടറി കാനം രാജേന്ദ്രന് മുഖ്യമന്ത്രി പിണറായി വിജയന് എന്നിവര് പങ്കെടുത്തു. ജോസിന്റെ മുന്നണി പ്രവേശനത്തെ സി പി ഐ സ്വാഗതം ചെയ്തു.
ജോസിന്റെ വരവ് മുന്നണിക്ക് ഗുണം ചെയ്യുമെന്നും കര്ഷകര്ക്ക് ഒപ്പം നില്ക്കുന്ന പാര്ട്ടിയാണ് കേരളാ കോണ്ഗ്രസെന്നും കാനം രാജേന്ദ്രന് പറഞ്ഞു. ജോസ് കെ മാണിയുടെ വരവ് എല്ഡിഎഫിന്റെ ജനകീയ അടിത്തറ വിപുലമാക്കും എന്ന് സിപിഐഎം നേതൃത്വം പ്രതികരിച്ചിരുന്നു. എന്നാല് സിപിഐഎം ബന്ധത്തില് പ്രതിഷേധിച്ച് ജോസ് കെ മാണി വിഭാഗത്തില് നിന്ന് കൂട്ടരാജി തുടരുകയാണ്. ഇരിട്ടി ഉളിക്കല് മേഖലകളിലെ 100 ഓളം പ്രവർത്തകരാണ് രാജിവെച്ചു ജോസഫ് വിഭാഗത്തില് ചേര്ന്നത്.
Read also: സിദ്ദീഖ് കാപ്പന്റെ മോചനത്തിന് സര്ക്കാര് ഇടപെടണം; ടിഎന് പ്രതാപന്