കോഴിക്കോട്: മെഡിക്കൽ കോളേജിൽ സേവനം ചെയ്യുന്ന എസ്വൈഎസിന് കീഴിലുള്ള ‘സഹായി വാദിസലാം’ എന്ന സംഘടന നടത്തുന്ന ഇഫ്താറിലേക്കും, രോഗികൾക്കും അവരുടെ കൂട്ടിരിപ്പുകാർക്കും ഉപയോഗിക്കാനുമായി 5000 ബോട്ടിൽ കുടിവെള്ളം നൽകി കൊയിലാണ്ടി സോൺ കേരള മുസ്ലിം ജമാഅത്ത് മാതൃകയായി. ‘സഹായി വാദിസലാം’ നടത്തുന്ന 30 ദിവസത്തെ ഇഫ്താറിലേക്ക് ആവശ്യം വരുന്ന ഈത്തപ്പഴവും ഇവർ നേരത്തെ നൽകിയിരുന്നു.
കേരള മുസ്ലിം ജമാഅത്ത് കൊയിലാണ്ടി സോൺ ക്ഷേമകാര്യ സെക്രട്ടറി കമ്മന ഉമർഹാജിയിൽ നിന്ന് ‘സഹായി വാദിസലാം’ ജനറൽ സെക്രട്ടറി കെഎ നാസർ ചെറുവാടി വാട്ടർ ബോട്ടിലുകൾ ഏറ്റുവാങ്ങി. ചടങ്ങിൽ സഹായി ഡയറ്കടർ കെ അബ്ദുല്ല സഅദി, ബിപി സിദ്ദീഖ് ഹാജി, ബഷീർ മുസ്ലിയാർ ചെറുപ്പ, സമദ് സഖാഫി മായനാട്, അബ്ദുൽമജീദ് സിപി, സിറാജ് പയ്യോളി, ശംസുദ്ധീൻ പെരുവയൽ തുടങ്ങിയവർ സംബന്ധിച്ചു.
Most Read: കോവിഡിനെ തോൽപ്പിക്കാൻ ‘മാസ്ക്’; ശരിയായി ധരിക്കാൻ അറിയേണ്ടതെല്ലാം