തിരുവനന്തപുരം : സംസ്ഥാനത്ത് നിയമസഭാ തിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ 98 മണ്ഡലങ്ങളിൽ എൽഡിഎഫ് മുന്നേറുകയാണ്. ഇതോടെ സംസ്ഥാനത്ത് എൽഡിഎഫ് തന്നെ ഭരണത്തിൽ തുടരുമെന്ന് ഉറപ്പായി കഴിഞ്ഞു. നിലവിൽ 41 മണ്ഡലങ്ങളിലാണ് യുഡിഫ് മുന്നേറുന്നത്. ഒപ്പം തന്നെ 1 മണ്ഡലത്തിലാണ് ബിജെപി മുന്നേറ്റം തുടരുന്നത്.
പാലക്കാട് മണ്ഡലത്തിൽ മാത്രമാണ് നിലവിൽ ബിജെപി വിജയ മുന്നേറ്റം തുടരുന്നത്. മെട്രോമാൻ ഈ ശ്രീധരനാണ് പാലക്കാട് മണ്ഡലത്തിൽ ബിജെപി സ്ഥാനാർഥിയായി തിരഞ്ഞെടുപ്പിനെ നേരിട്ടത്.
കേരളം ഇത്തവണയും ചുവന്നു തന്നെ തുടരുകയാണെന്നാണ് തിരഞ്ഞെടുപ്പ് ഫലങ്ങൾ നൽകുന്ന സൂചന. കഴിഞ്ഞ തിരഞ്ഞെടുപ്പിൽ നേടിയ സീറ്റുകൾ പോലും ഇത്തവണ നേടാൻ പറ്റാത്ത സാഹചര്യമാണ് യുഡിഫിന് നിലവിലുള്ളത്.
Read also : വടകരയിൽ കെകെ രമ എണ്ണായിരത്തോളം വോട്ടിനു മുന്നിൽ