കണ്ണൂർ: വളപട്ടണം പാലത്തിൽ ലോറി അപകടത്തിൽപ്പെട്ടു. ഞായറാഴ്‌ച പുലർച്ചെ 5:30ഓടെ ആയിരുന്നു അപകടം. കോട്ടയത്ത് നിന്നും മഹാരാഷ്‌ട്രയിലേക്ക് പൈനാപ്പിളുമായി പോയ നാഷണൽ പെർമിറ്റ് ലോറി പാലത്തിന്റെ കൈവരിയിലേക്ക് ഇടിച്ചുകയറുക ആയിരുന്നു.
അപകടത്തിൽ കൈവരി തകർന്നെങ്കിലും വണ്ടി പുഴയിലേക്ക് പതിക്കാത്തതിനാൽ വൻ ദുരന്തം ഒഴിവായി. വണ്ടിയുടെ മുൻ ചക്ര ഭാഗം പൂർണമായും തകർന്ന നിലയിലാണ്. ക്രെയിൻ ഉപയോഗിച്ച് ലോറി വളപട്ടണം സ്‌റ്റേഷൻ പരിസരത്തേക്ക് മാറ്റി.
ഡ്രൈവർ ഉറങ്ങിപ്പോയതാണ് അപകടകാരണമെന്ന് പോലീസ് പറഞ്ഞു. ഡ്രൈവർ പികെ ജോമോൻ, ക്ളീനർ ലിപിൻ എന്നിവർ നിസാര പരിക്കുകളോടെ രക്ഷപ്പെട്ടു. ഇരുവരും തൊടുപുഴ സ്വദേശികളാണ്.
Malabar News: സോളാർ തട്ടിപ്പ് കേസ്; സരിതാ നായർ കാഞ്ഞങ്ങാട് ജില്ലാ ജയിലിൽ
