മുംബൈ: ബോളിവുഡ് നടി കങ്കണ റണൗട്ടിന്റെ മുംബൈയിലെ വസതി പൊളിക്കരുതെന്ന് മഹാരാഷ്ട്ര ഹൈകോടതി. വസതി പൊളിക്കുന്നതിനായി ബ്രിഹാൻ മുംബൈ കോർപ്പറേഷൻ നൽകിയ നോട്ടീസ് ഹൈകോടതി റദ്ദാക്കി. കങ്കണയുടെ വസതിയുടെ നിർമാണം ക്രമപ്പെടുത്തണമെന്ന് കോടതി നിർദേശിച്ചു. ബിഎംസി പൊളിച്ച വസതിയുടെ ഭാഗങ്ങൾ കങ്കണക്ക് വീണ്ടും നിർമിക്കാം. കെട്ടിടം പൊളിച്ചത് കാരണം ഉണ്ടായ നഷ്ടം വിശദമായി പരിശോധിക്കണമെന്നും കോടതി ഉത്തരവിൽ പറയുന്നു.
ബ്രിഹാൻ മുംബൈ കോർപ്പറേഷൻ പൗരാവകാശം ലംഘിക്കുകയാണ് ചെയ്തത്. കെട്ടിടം പൊളിക്കാൻ ബിഎംഎംസിക്ക് അവകാശമില്ല, കോടതി നിരീക്ഷിച്ചു.
കഴിഞ്ഞ സെപ്റ്റംബറിലാണ് കങ്കണയുടെ വസതി പൊളിക്കാൻ കോർപ്പറേഷൻ ഉത്തരവിട്ടത്. കെട്ടിടത്തിന്റെ ഒരു ഭാഗം പൊളിക്കുകയും ചെയ്തിരുന്നു. ഇതിനെ തുടർന്ന് കങ്കണ കോടതിയെ സമീപിക്കുകയായിരുന്നു. കെട്ടിടം പൊളിക്കാനുള്ള ഉത്തരവ് കോടതി സ്റ്റേ ചെയ്തിരുന്നു.
Read also: ‘കോവിഡ് വാക്സിൻ സ്വീകരിക്കില്ല, അതെന്റെ അവകാശം’; ബ്രസീൽ പ്രസിഡണ്ട്