ന്യൂഡെൽഹി: രാജ്യ തലസ്ഥാനത്ത് പിജി നീറ്റ് കൗൺസിലിംഗ് വൈകുന്നതിൽ പ്രതിഷേധിച്ച് സമരം ചെയ്ത ഡോക്ടർമാർക്ക് എതിരെ പോലീസ് നടപടി. പ്രതിഷേധിച്ച സമരക്കാരെ പോലീസ് അറസ്റ്റ് ചെയ്ത് നീക്കി. സുപ്രീം കോടതിയിലേക്ക് മാർച്ചിന് ഒരുങ്ങവെയാണ് പോലീസ് നടപടി.
ഒരു വിഭാഗം ഡോക്ടര്മാരെ അറസ്റ്റ് ചെയ്ത് നീക്കി. മറ്റുള്ളവർ പ്രതിഷേധവുമായി റോഡിൽ തുടരുകയാണ്. അതേസമയം പോലീസുകാർ ആക്രമിച്ചെന്നും ശരീരഭാഗങ്ങളില് പിടിച്ചെന്നും വനിതാ ഡോക്ടർമാർ ആരോപിച്ചു.
ഡോക്ടര്മാര് ഉപരോധിച്ച ഐടിഒയിലെ റോഡ് തുറന്ന് കൊടുത്തു. പ്രദേശത്ത് വലിയ സംഘര്ഷ സാധ്യതയാണുള്ളത്. നീറ്റ് പിജി കൗൺസിലിംഗ് വൈകുന്നതിനെതിരെ രാവിലെ മുതലാണ് ഡോക്ടർമാര് തെരുവില് പ്രതിഷേധം ആരംഭിച്ചത്. സ്ഥലത്ത് വന് പൊലീസ് സന്നാഹം എത്തിയിട്ടുണ്ട്.
Read Also: രാജ്യത്ത് മെച്ചപ്പെട്ട ക്രമസമാധാന നിലയുള്ളത് കേരളത്തിൽ; കോടിയേരി