തിരുവനന്തപുരം: നടൻ ജോജു ജോർജിനെതിരായ പ്രതിഷേധത്തിന്റെ ഭാഗമായി സിനിമാ ചിത്രീകരണം തടയുമെന്ന യൂത്ത് കോൺഗ്രസ് പ്രഖ്യാപനത്തിനെതിരെ സിനിമ-സാംസ്കാരിക വകുപ്പ് മന്ത്രി സജി ചെറിയാൻ. യൂത്ത് കോൺഗ്രസിന്റെ ഈ പ്രഖ്യാപനത്തിലൂടെ ഒരു കലാരൂപത്തോടും തൊഴിൽ മേഖലയോടുമുള്ള കലാപപ്രഖ്യാപനം നടത്തുകയാണെന്ന് മന്ത്രി ആരോപിച്ചു. കോൺഗ്രസ് നേതൃത്വത്തിന് നില തെറ്റിയ അവസ്ഥയാണെന്നും സിനിമാ കലാകാരൻമാരെ സർക്കാർ സംരക്ഷിക്കുമെന്നും അദ്ദേഹം കൂട്ടിച്ചേർത്തു.
അതേസമയം ഇന്ന് ചേർന്ന കെപിസിസി യോഗത്തിലും സിനിമ ചിത്രീകരണം തടയുമെന്ന പ്രഖ്യാപനത്തിനെതിരെ രൂക്ഷവിമർശനം ഉയർന്നിരുന്നു. ജോജുവിനെതിരായ സമരം സിനിമാ മേഖലയാകെ പടർത്തരുതെന്നാണ് കെപിസിസി അധ്യക്ഷൻ കെ സുധാകരൻ വ്യക്തമാക്കിയത്. സിനിമ സർഗാത്മക പ്രവർത്തനമാണെന്നും ഈ വ്യവസായത്തെ തടയുന്ന രീതി ശരിയല്ലെന്നും വിമർശിച്ച യോഗം ഇക്കാര്യം യൂത്ത് കോൺഗ്രസിനെ അറിയിക്കാനും തീരുമാനിച്ചു.
Read also: സംസ്ഥാന തല കർഷക റാലി നടത്തും; സമരം ശക്തമാക്കാൻ സംഘടനകൾ