‘മിഷൻ സി‘ സിനിമയുടെ ഷൂട്ടിനിടെ നടൻ കൈലാഷ് ഉൾപ്പെട്ട സാഹസിക രംഗത്തിലെ അപകടസാധ്യതാ വീഡിയോ പങ്കുവച്ച് സംവിധായകൻ വിനോദ് ഗുരുവായൂർ. കൈലാഷിനെ വലിച്ചു പൊക്കിയിരുന്ന റോപ്പ് പെട്ടെന്ന് പൊട്ടുകയും താരം ബസിൽ വന്നിടിക്കുകയും ചെയ്യുന്നത് വീഡിയോയിൽ കാണാം.
അത്യന്തം അപകടകരമായ ഈ സാഹചര്യത്തിൽ നിന്നും കൈലാഷ് തലനാരിഴക്കാണ് രക്ഷപ്പെട്ടതെന്ന് വിനോദ് ഗുരുവായൂർ സാക്ഷ്യപ്പെടുത്തുന്നു. അൽപം പുറകിൽ വച്ചാണ് റോപ്പ് പൊട്ടിയതെങ്കിൽ കൈലാഷിന്റെ ജീവന് തന്നെ ആപത്ത് പറ്റുമായിരുന്നു; വിനോദ് ഗുരുവായൂർ പറയുന്നു.
അതേസമയം, ഈ വാർത്ത പ്രസിദ്ധീകരിച്ച ഓൺലൈൻ മാദ്ധ്യമങ്ങളുടെ രീതിയെ കുറിച്ച് വ്യാപകമായ വിമർശനങ്ങളാണ് സോഷ്യൽ മീഡിയയിൽ ഉൾപ്പെടെ ഉയർന്നു വരുന്നത്. നടൻ കൈലാഷിന് കാര്യമായ അപകടം സംഭവിച്ചുവെന്ന് ഒറ്റനോട്ടത്തിൽ തോന്നിക്കുന്ന തരത്തിലാണ് പല വാർത്തകളും പുറത്തുവന്നത്. വാർത്തകളെ വളച്ചൊടിക്കുന്ന രീതിക്കെതിരെ ശക്തമായ പ്രതിഷേധമാണ് ഉയരുന്നത്.
Read Also: അഭിമാനം, ആവേശം; വനിതാ ഹോക്കിയിൽ ചരിത്രം കുറിച്ച് ഇന്ത്യ സെമിയിൽ