തിരുവനന്തപുരം: ഇന്നലെ അന്തരിച്ച മോഹനൻ വൈദ്യർക്ക് കോവിഡ് സ്ഥിരീകരിച്ചു. മരണാനന്തരം നടത്തിയ കോവിഡ് പരിശോധനയിലാണ് മോഹനൻ വൈദ്യർക്ക് കോവിഡ് വൈറസ് ബാധ സ്ഥിരീകരിച്ചത്. നിലവിൽ തിരുവനന്തപുരം മെഡിക്കൽ കോളേജ് മോർച്ചറിയിൽ സൂക്ഷിച്ച മൃതദേഹം നടപടികൾ പൂർത്തിയാക്കിയ ശേഷം ബന്ധുക്കൾക്ക് വിട്ടു നൽകും.
അശാസ്ത്രീയമായ ചികിൽസാ സമ്പ്രദായത്തിലൂടെയും അതിനെ തുടർന്നുള്ള വിവാദങ്ങളിലൂടെയും പ്രസിദ്ധനായ മോഹനൻ വൈദ്യർ എന്ന മോഹനൻ നായർ ഇന്നലെ രാത്രി തിരുവനന്തപുരം കരമന കാലടി ബന്ധുവീട്ടില്വെച്ച് കുഴഞ്ഞുവീണാണ് മരിച്ചത്. 65 വയസായിരുന്നു. രണ്ട് ദിവസം മുന്പാണ് മോഹനൻ വൈദ്യർ ബന്ധുവീട്ടിലെത്തിയത്. രാവിലെ മുതല് ദേഹാസ്വാസ്ഥ്യം പ്രകടിപ്പിച്ച വൈദ്യര് ആശുപത്രിയില് പോകാനിരിക്കെയാണ് മരിച്ചത്.
Also Read: പാർട്ടി ഘടനയിൽ മാറ്റം വരുത്താൻ ഒരുങ്ങി കോൺഗ്രസ്