മലപ്പുറം: ധാര്‍മിക യൗവനത്തിന്റെ സമരസാക്ഷ്യം എന്ന ശീര്‍ഷകത്തില്‍ എസ്വൈഎസ് മലപ്പുറം സോണിന് കീഴിലെ സര്‍ക്കിള്‍ തല കൗണ്‍സിലുകള്‍ക്ക് തുടക്കമായി. മലപ്പുറം സോണ്‍ തല ഉൽഘാടനം മേല്‍മുറി പടിഞ്ഞാറെമുക്കില്‍ സമസ്‌ത ജില്ലാ സെക്രട്ടറി ഇബ്റാഹീം ബാഖവി മേല്‍മുറി നിര്‍വഹിച്ചു.
എസ്വൈഎസ് ജില്ലാ സെക്രട്ടറി സികെ ശക്കീര്‍ അരിമ്പ്ര വിഷയാവതരണം നടത്തി. എസ്വൈഎസ് ജില്ലാ ട്രൈനിംഗ് സെക്രട്ടറി കരുവള്ളി അബ്‌ദുറഹീം, സോണ്‍ പ്രസിഡണ്ട് നജ്‌മുദ്ദീൻ സഖാഫി പൂക്കോട്ടൂര്‍, കേരള മുസ്‌ലിം ജമാഅത്ത് മലപ്പുറം സര്‍ക്കിള്‍ പ്രസിഡണ്ട് അബ്‌ദുല്‍ അസീസ് ഫൈസി, പിപി മുജീബുറഹ്‌മാൻ വടക്കേമണ്ണ, എസ്എംഎ മലപ്പുറം മേഖലാ സെക്രട്ടറി കെ ഇബ്റാഹീം ബാഖവി, ദുല്‍ഫുഖാര്‍ അലി സഖാഫി മേല്‍മുറി, ഖാലിദ് സഖാഫി സ്വലാത്ത് നഗര്‍ എന്നിവര്‍ കൗണ്‍സിലിൽ പ്രസംഗിച്ചു.
മുസ്‌തഫ മുസ്‌ലിയാര്‍ പട്ടര്‍ക്കടവ് കൗണ്‍സില്‍ നടപടികള്‍ക്ക് നേതൃത്വം നല്‍കി. പ്രകടനം, സിയാറത്ത്, പതാക ഉയര്‍ത്തല്‍, റിപ്പോര്‍ട്ട് അവതരണം, പുതിയ ഭാരവാഹികളെ തെരഞ്ഞെടുക്കല്‍ തുടങ്ങിയ പരിപാടികളാണ് കൗണ്‍സിലിന്റെ ഭാഗമായി നടന്നത്. നേരത്തെ സോണ്‍ പരിധിയിലെ 69 യൂണിറ്റുകളില്‍ യൂത്ത് കൗണ്‍സില്‍ പൂര്‍ത്തിയാക്കിയിരുന്നു.
കുറുവ സര്‍ക്കിള്‍ യൂത്ത് കൗണ്‍സില്‍ മീനാര്‍കുഴിയില്‍ നടന്നു. പൂക്കോട്ടൂര്‍, കോഡൂര്‍, കൂട്ടിലങ്ങാടി എന്നീ സര്‍ക്കിള്‍ കൗണ്‍സിലുകള്‍ ഇന്ന് യഥാക്രമം മുണ്ടിതൊടിക, ചെമ്മങ്കടവ്, പെരിന്താറ്റിരി എന്നിവടങ്ങളിലും മലപ്പുറം സര്‍ക്കിള്‍ ഞായറാഴ്‌ച കുന്നുമ്മല്‍ വാദീസലാമിലും മക്കരപ്പറമ്പ് സര്‍ക്കിള്‍ ഈ മാസം 28ന് മുതീരിപ്പടിയിലും നടക്കും. മലപ്പുറം സോണ്‍ യൂത്ത് കൗണ്‍സിലും പ്രകടനവും അടുത്ത മാസം 12ന് കൂട്ടിലങ്ങാടിയില്‍ നടക്കും; ഭാരവാഹികൾ പത്രകുറിപ്പിൽ വ്യക്‌തമാക്കി.
Most Read: കര്‍ഷക സമരത്തിനിടെ ഒരു കര്‍ഷകന്‍ കൂടി ആത്‌മഹത്യ ചെയ്‌തു
