ന്യൂഡെൽഹി: കേരളത്തിലെ മുഖ്യമന്ത്രി ആരാവണമെന്നതിൽ ഡെൽഹിയിൽ ഇന്ന് നിർണായക ചർച്ചകൾ നടക്കും. ചർച്ചയിൽ രാഹുൽ ഗാന്ധി ഇടപെടില്ലെന്നും കോൺഗ്രസ് അധ്യക്ഷൻ മല്ലികാർജുൻ ഖർഗെ തീരുമാനം എടുക്കുമെന്നുമാണ് കോൺഗ്രസ് വൃത്തങ്ങൾ പറയുന്നത്.
ഹൈക്കമാൻഡിന്റെ നിർദ്ദേശപ്രകാരം വിഡി. സതീശനും കെപിസിസി പ്രസിഡണ്ട് സണ്ണി ജോസഫും ഡെൽഹിയിൽ എത്തിയിട്ടുണ്ട്. സംഘടനാ ജനറൽ സെക്രട്ടറി കെസി. വേണുഗോപാലും ഡെൽഹിയിലുണ്ട്. രമേശ് ചെന്നിത്തല എത്തിയില്ല.
വിഡി. സതീശന് രാജ്യ തലസ്ഥാനം ഗംഭീര സ്വീകരണമാണ് നൽകിയത്. സണ്ണി ജോസഫിന് നേരെ എംഎസ്എഫ് പ്രവർത്തകർ മുദ്രാവാക്യം വിളിച്ചു. ഇന്നലെ വൈകീട്ട് ഏഴരയോടെ തിരുവനന്തപുരത്ത് നിന്ന് യാത്ര തിരിച്ച നേതാക്കൾ ഡെൽഹിയിലെത്തിയത് രാത്രി 12.30ഓടെയാണ്. കേരള ഹൗസിലേക്ക് വിഡി. സതീശന്റെ കാർ എത്തിയ ഉടൻ എംഎസ്എഫ് പ്രവർത്തകർ മുദ്രാവാക്യം വിളികളുമായി എത്തി.
സതീശനെ നേതാക്കൾ ഷാൾ അണിയിച്ചശേഷം തോളിലേറ്റി കേരള ഹൗസിലേക്ക് എത്തിച്ചു. യുഡിഎഫ് വിജയത്തിലെ സന്തോഷം പങ്കുവെച്ച് കേക്ക് മുറിച്ചു. തൊട്ടുപിന്നാലെ കേരള ഹൗസിലേക്ക് എത്തിയ സണ്ണി ജോസഫിന് നേരെ എംഎസ്എഫ് പ്രവർത്തകർ മുദ്രാവാക്യം വിളിച്ചു. ഇരുവരും മാദ്ധ്യമങ്ങളോട് പ്രതികരിച്ചില്ല.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
