മലപ്പുറം: സമൂഹനൻമ ലക്ഷ്യംവച്ച് നടത്തുന്ന ആത്‌മീയ സദസുകൾക്ക് നേതൃത്വം നല്‍കുന്നവര്‍ കൂടുതല്‍ ഉത്തരവാദിത്വ ബോധമുള്ളരാകണമെന്ന് പാണക്കാട് സയ്യിദ് ഹൈദറലി ശിഹാബ് തങ്ങള്‍.
സുന്നി യുവജന സംഘം സംസ്‌ഥാന പ്രസിഡണ്ടായിരുന്ന പാണക്കാട് പിഎംഎസ്എ പൂക്കോയ തങ്ങളുടെ അനുസ്‌മരണവും ജില്ലയിലെ യൂണിറ്റ് തല മജ്‌ലിസുന്നൂര്‍ അമീറുമാരുടെ വാര്‍ഷിക സംഗമവും പാണക്കാട് മര്‍വ ഓഡിറ്റോറിയത്തില്‍ ഉൽഘാടനം ചെയ്‌ത്‌ സംസാരിക്കുകയായിരുന്നു ഇദ്ദേഹം.
ഇസ്‌ലാമിന്റെ പാരമ്പര്യത്തിലും പൈതൃകത്തിലും ഉറച്ച് നിന്ന് പ്രവര്‍ത്തിക്കുന്നവര്‍ സമൂഹത്തെ രക്ഷപ്പെടുത്താനുള്ള പാരമ്പര്യ വഴിയിലൂടെ സഞ്ചരിക്കുകയും അല്ലാഹുവിനെ ഭയപ്പെട്ട് ജീവിക്കുകയും ചെയ്യുന്നവരാണ്. പൂര്‍വ്വീക കാലം മുതലേ പ്രയാസപ്പെടുന്നവര്‍ക്ക് സമാധാനത്തിന്റെ വഴി കാണിച്ച് കൊടുക്കാന്‍ ആത്‌മീയ സദസുകൾ സ്‌ഥാപിച്ചവരാണ് നമ്മുടെ മശായിഖുമാരും പിതാമഹൻമാരും. അവരുടെയെല്ലാം പാത പിന്തുടര്‍ന്ന് കൊണ്ട് നടത്തുന്ന ആത്‌മീയ സദസുകളെ ഭൗതിക ലക്ഷ്യത്തിലേക്ക് കൊണ്ടു പോകരുത്; ഹൈദറലി ശിഹാബ് തങ്ങള്‍ ഓർമപ്പെടുത്തി.
ലക്ഷ്യം തെറ്റിസഞ്ചരിക്കുന്നവര്‍ക്ക് ഇരുലോകത്തും വിജയം വരിക്കാനാകില്ല. സര്‍വ മേഖലകളിലും വ്യക്‌തിമുദ്ര പതിപ്പിച്ച പിഎംഎസ്എ പൂക്കോയ തങ്ങളുടെ മഹിത ജീവിതം സമൂഹം മാതൃകയാക്കണമെന്നും തങ്ങള്‍ പ്രവർത്തകരെ ഉൽബോധിപ്പിച്ചു. സ്വാഗതസംഘം ചെയര്‍മാന്‍ സയ്യിദ് ശമീറലി ശിഹാബ് തങ്ങളുടെ നേതൃത്വത്തില്‍ പാണക്കാട് മഖാം സിയാറത്തോടെ ആരംഭിച്ച പരിപാടിയില്‍ എസ്വൈഎസ് ഈസ്ററ് ജില്ലാ പ്രസിഡണ്ട് പാണക്കാട് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനായി.
എസ്വൈഎസ് ജില്ലാ ജനറല്‍ സെക്രട്ടറി സലീം എടക്കര ആമുഖ പ്രഭാഷണം നടത്തിയ ചടങ്ങിൽ എസ്‌കെ എസ്‌എസ്‌എഫ് സംസ്‌ഥാന പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങളാണ് അനുഗ്രഹ പ്രഭാഷണം നിർവഹിച്ചത്. എസ്വൈഎസ് സംസ്‌ഥാന സെക്രട്ടറി അബ്‌ദുസ്സമദ്‌ പൂക്കോട്ടൂര്‍, ചന്ദ്രിക എഡിറ്റര്‍ സിപി സൈതലവി എന്നിവർ അനുസ്‌മരണ പ്രഭാഷണം നിർവഹിച്ചു.
മഗ്‌രിബ് നിസ്‌കാരാനന്തരം നടന്ന മജ്‌ലിസുന്നൂര്‍ സദസിൽ എസ്വൈഎസ് ജില്ലാ സെക്രട്ടറിഹസന്‍ സഖാഫി പൂക്കോട്ടൂര്‍ ആമുഖ പ്രഭാഷണം നടത്തി. മജ്‌ലിസുന്നൂര്‍ ജില്ലാ അമീര്‍ സയ്യിദ് ഒഎംഎസ് തങ്ങള്‍ മേലാറ്റൂര്‍ ആത്‌മീയ സദസിന് നേതൃത്വം നല്‍കി. ഏലംകുളം ബാപ്പു മുസ്‌ലിയാര്‍ സമാപന പ്രാർഥനയും നിർവഹിച്ചു.
സമസ്‌ത ജില്ലാ ജനറല്‍ സെക്രട്ടറി പുത്തനഴി മൊയ്‌തീൻ ഫൈസി, എസ്വൈഎസ് സംസ്‌ഥാന വൈ പ്രസിഡണ്ട് കെഎ റഹ്‌മാൻ ഫൈസി കാവനൂര്‍, സയ്യിദ് ബിഎസ്‌കെ തങ്ങള്‍ എടവണ്ണപ്പാറ, സയ്യിദ് കെകെഎസ് ബാപ്പുട്ടി തങ്ങള്‍ ഒതുക്കുങ്ങല്‍, സയ്യിദ് മാനു തങ്ങള്‍ വെള്ളൂര്‍, സയ്യിദ് മുത്തുപ്പതങ്ങള്‍, സയ്യിദ് സ്വാലിഹ് തങ്ങൾ, സയ്യിദ് ഹാശിറലി ശിഹാബ് തങ്ങള്‍, കാടാമ്പുഴ മൂസ ഹാജി, എസ്വൈഎസ് ജില്ലാ ട്രഷറര്‍ അബ്‌ദുല്‍ ഖാദിര്‍ ഫൈസി കുന്നുംപുറം, ഹംസ റഹ്‌മാനികൊണ്ടിപറമ്പ് എന്നിവർ പ്രസംഗിച്ചു.
കൂടാതെ, സി അബ്‌ദുല്ല മൗലവി വണ്ടൂര്‍, ഷാഹുല്‍ ഹമീദ് മാസ്‌റ്റര്‍ മേല്‍മുറി, സിഎം കുട്ടിസഖാഫി വെള്ളേരി, ഫരീദ് റഹ്‌മാനി കാളികാവ്, അബ്‌ദുൽ വാഹിദ് മുസ്‌ലിയാർ അത്തിപ്പറ്റ, ഇബ്റാഹീം ഫൈസി തിരൂർക്കാട്, എംപി മുഹമ്മദ് മുസ്‌ലിയാര്‍ കടുങ്ങല്ലൂര്‍, ആനമങ്ങാട് മുഹമ്മദ്‌കുട്ടി ഫൈസി, നാസിറുദ്ദീന്‍ ദാരിമി ചീക്കോട്, എം സുല്‍ഫിക്കര്‍ അരീക്കോട്, അബ്‌ദുറഹ്‌മാൻ ദാരിമി മുണ്ടേരി, അബ്‌ദുല്‍ മജീദ് ദാരിമി വളരാട്, ശമീര്‍ ഫൈസി ഒടമല, എകെ ആലിപ്പറമ്പ്, പി കെലത്തീഫ് ഫൈസി മേൽമുറി, അലവി കുട്ടി ഫൈസി മുതുവല്ലൂര്‍, ഓമാനൂര്‍ അബ്‌ദുറഹ്‌മാൻ മൗലവി, നൗഷാദ് മണ്ണിശ്ശേരി എന്നിവരും ചടങ്ങിൽ പ്രസംഗിച്ചു.
Most Read: ഒടിടി, സോഷ്യൽ മീഡിയ പ്ളാറ്റ്‌ഫോമുകൾക്ക് കടിഞ്ഞാണിട്ട് കേന്ദ്രസർക്കാർ; മാർഗരേഖ പുറത്തിറക്കി
