കൊൽക്കത്ത: നഗരത്തിലെ സ്ട്രാന്റ് റോഡിൽ ബഹുനില കെട്ടിടത്തിൽ തീപിടുത്തം. കെട്ടിടത്തിന്റെ 13 ആം നിലയിലാണ് തീപിടുത്തം ഉണ്ടായതെന്ന് പോലീസ് അറിയിച്ചു.
വൈകിട്ട് 6.10 നാണ് കെട്ടിടത്തിൽ തീപിടിത്തമുണ്ടായത്. കിഴക്കൻ റെയിൽവേയുടെയും സൗത്ത് ഈസ്റ്റേൺ റെയിൽവേയുടെയും ന്യൂ കൊയ്ലഘട്ട് കെട്ടിടത്തിലാണ് തീപിടിത്തം ഉണ്ടായതെന്ന് ഈസ്റ്റേൺ റെയിൽവേ വക്താവ് കമൽ ദിയോ ദാസ് പറഞ്ഞു.
അതേസമയം തീ നിയന്ത്രണ വിധേയമാക്കാൻ പത്തോളം ഫയർ എഞ്ചിനുകൾ സ്ഥലത്തെത്തിയിട്ടുണ്ടെന്ന് അഗ്നി ശമന സേന ഉദ്യോഗസ്ഥർ അറിയിച്ചു. തീ അണക്കുന്ന പ്രക്രിയ വേഗത്തിലാക്കാൻ സ്ട്രാന്റ് റോഡിലെ ഗതാഗതം നിർത്തിയതായും അധികൃതർ പറഞ്ഞു. കെട്ടിടത്തിലെ മിക്ക ഇടങ്ങളിലെയും ആളുകളെ മാറ്റിപ്പാർപ്പിച്ചു.
‘കെട്ടിടത്തിന്റെ പതിമൂന്നാം നിലയിൽ തീ പടർന്നു. പരിക്കുകളോ ആളപായമോ ഇതുവരെ റിപ്പോർട് ചെയ്യപ്പെട്ടിട്ടില്ല. പ്രദേശത്തു സ്ഥലം കുറവായതിനാൽ ചെറിയ പ്രശ്നം നേരിടുന്നു,’ എംഐസി ഫയർ ആൻഡ് എമർജൻസി സർവീസ് ഉദ്യോഗസ്ഥൻ സുജിത് ബോസ് പറഞ്ഞു. രണ്ട് സോണൽ റെയിൽവേയുടെ ഓഫീസുകളും കെട്ടിടത്തിന്റെ താഴത്തെ നിലയിൽ കമ്പ്യൂട്ടറൈസ്ഡ് ടിക്കറ്റ് ബുക്കിംഗ് സെന്ററും പ്രവർത്തിക്കുന്നുണ്ട്.
Read Also: ബംഗാളിൽ ‘ദീദി’യെ നേരിടാൻ ‘മോദി ദാദ’ ക്യാംപയിനുമായി ബിജെപി