ഭോപ്പാല്: മധ്യപ്രദേശിലെ ജബൽപുരിൽ സ്വകാര്യ ആശുപത്രിയിൽ വൻതീപ്പിടുത്തം. ജബൽപുരിലെ ദാമോ നാകയിലെ ന്യൂ ലൈഫ് മൾട്ടി സ്പെഷ്യാലിറ്റി ആശുപത്രിയിലാണ് അഗ്നിബാധയുണ്ടായത്. തിങ്കളാഴ്ചയായിരുന്നു സംഭവം.
തീപിടുത്തത്തിൽ പത്തുപേർ വെന്തു മരിച്ചതായാണ് വിവരം. രണ്ടു പേരുടെ നില ഗുരുതരമെന്ന് ജബൽപുർ ജില്ലാ കളക്ടർ അല്ലയ്യ രാജ പറഞ്ഞതായി ഇന്ത്യാ ടുഡേ റിപ്പോർട് ചെയ്തു. രക്ഷാപ്രവർത്തനം തുടരുകയാണ്.ഷോർട്ട് സർക്യൂട്ട് കാരണമാകാം അപകടമെന്നാണ് പ്രാഥമിക നിഗമനം. നിരവധി പേർ ആശുപത്രിക്കകത്ത് കുടുങ്ങിക്കിടക്കുന്നതായി ജബൽപുർ സിഎസ്പി അഖിലേഷ് ഗൗർ പറഞ്ഞു. മരിച്ചവരുടെ ബന്ധുക്കൾക്ക് അഞ്ച് ലക്ഷം രൂപ വീതം ധനസഹായം പ്രഖ്യാപിച്ചിട്ടുണ്ട്.
Most Read: ‘എവിടെയോ കണ്ട് നല്ല പരിചയം’; സോഷ്യൽ മീഡിയയെ ഞെട്ടിച്ച് കോടീശ്വരൻ ലുക്കുള്ള വയസൻ നായ