നയൻതാര പ്രധാന കഥാപാത്രമായി എത്തുന്ന ചിത്രം ‘ഒ2‘വിന്റെ ടീസർ റിലീസ് ചെയ്തു. ജിഎസ് വിഘ്നേശ് സംവിധാനം ചെയ്യുന്ന ചിത്രം ഒരു സസ്പെൻസ് ത്രില്ലറാണ്. ചിത്രം ഡിസ്നി പ്ളസ് ഹോട്ട്സ്റ്റാറിലാണ് റിലീസ് ചെയ്യുക.
ടീസറും നിഗൂഢതകൾ ബാക്കിയാക്കിയാണ് അവസാനിക്കുന്നത്. യാത്രക്കിടെ ബസ് അപകടത്തിൽപ്പെട്ട് അഗാധമായ താഴ്ചയിലേക്ക് പോകുകയും അവിടെ നിന്ന് രക്ഷപ്പെടാൻ വേണ്ടിയുളള പോരാട്ടവുമാണ് ടീസറിൽ നിന്ന് വ്യക്തമാകുന്നത്.
മലയാളി താരം ജാഫർ ഇടുക്കിയും ചിത്രത്തിൽ ഒരു കഥാപാത്രത്തെ അവതരിപ്പിക്കുന്നു. ഡ്രീം വാരിയർ പിക്ചേഴ്സാണ് നിർമാണം. തമിഴ് എ അഴകൻ ഛായാഗ്രാഹകനാകുന്ന ചിത്രത്തിന്റെ എഡിറ്റർ സെൽവ ആർ കെയാണ്. വിശാൽ ചന്ദ്രശേഖറാണ് ‘ഒ2‘വിന് സംഗീതം പകരുന്നത്.
Most Read: ഉഷ്ണതരംഗം രൂക്ഷം; ഡെൽഹിയിൽ റെക്കോർഡ് താപനില