മുംബൈ: എൻസിപി കേരള ഘടകത്തിൽ ഭിന്നത രൂക്ഷമായിരിക്കെ കേന്ദ്ര നേതൃത്വത്തിന്റെ പിന്തുണ തേടി എൻസിപി. പീതാംബരൻ പക്ഷം പാർട്ടി അധ്യക്ഷൻ ശരദ് പവാറുമായി കൂടിക്കാഴ്‌ച നടത്തി. പവാറുമായുള്ള കൂടിക്കാഴ്‌ച നിലവിലെ സാഹചര്യത്തിൽ അനിവാര്യമാണെന്ന് ടിപി പീതാംബരൻ പ്രതികരിച്ചു. തദ്ദേശ തിരഞ്ഞെടുപ്പിൽ ഇടതുമുന്നണി കാര്യമായ നേട്ടമുണ്ടാക്കിയില്ല എന്നും അദ്ദേഹം കൂട്ടിച്ചേർത്തു.
പവാറുമായുള്ള ചർച്ച അനുകൂലമാണെന്നും നേതൃത്വം അറിയിച്ചിട്ടുണ്ട്. അതേസമയം, പാലായിൽ എൻസിപി തന്നെ മൽസരിക്കുമെന്ന് മാണി സി കാപ്പൻ പറഞ്ഞു. കഴിഞ്ഞ ദിവസം മന്ത്രി എകെ ശശീന്ദ്രനും പവാറിനെ കണ്ട് കേരളത്തിലെ സാഹചര്യം വിശദീകരിച്ചിരുന്നു.
Also Read: സംസ്‌ഥാനത്ത് മദ്യത്തിന് വില കൂട്ടേണ്ടിവരും; എക്‌സൈസ് മന്ത്രി
