കൊല്‍ക്കത്ത: നടന്‍ ജോയ് ബാനര്‍ജി ബിജെപി വിട്ടു. പാര്‍ട്ടിയില്‍ നിന്ന് അവഗണന നേരിടുന്നു എന്നാരോപിച്ചാണ് ജോയ് ബിജെപി വിടുന്നത്. രാജിവെക്കാനുള്ള തീരുമാനം പ്രധാനമന്ത്രി നരേന്ദ്രമോദിയെ അറിയിച്ചിട്ടുണ്ടെന്ന് ജോയ് പറഞ്ഞു. അദ്ദേഹം തൃണമൂല്‍ കോണ്‍ഗ്രസില്‍ ചേര്‍ന്നേക്കുമെന്നാണ് റിപ്പോർട്.
2014ലാണ് ജോയ് ബാനര്‍ജി ബിജെപിയില്‍ ചേര്‍ന്നത്. എന്നാല്‍ പാര്‍ട്ടിയില്‍ നിന്ന് നല്ല സ്വീകരണമല്ല അദ്ദേഹത്തിന് പിന്നീട് കിട്ടിയത്. സംഘടനാപരമായി തന്നെ ഒതുക്കാന്‍ വിവിധ കോണുകളില്‍ നിന്ന് ശ്രമം നടന്നുവെന്നാണ് ജോയ് പറയുന്നത്.
2017ല്‍ താന്‍ സംഘടനക്ക് വേണ്ടി കൂടുതല്‍ എന്തെങ്കിലും ചെയ്യാനാഗ്രഹിക്കുന്നു എന്ന് മോദിയോട് പറഞ്ഞിരുന്നുവെന്നും എന്നാല്‍ അതിന് യാതൊരു പ്രതികരണവും ഉണ്ടായില്ലെന്നും ജോയ് പറഞ്ഞു. അടുത്തിടെ ജോയ് ബാനര്‍ജിയെ ദേശീയ എക്‌സിക്യൂട്ടിവില്‍ നിന്ന് ഒഴിവാക്കുകയും ചെയ്‌തിരുന്നു. അദ്ദേഹത്തിന്റെ സുരക്ഷയും വെട്ടിക്കുറച്ചു. ബംഗാള്‍ തിരഞ്ഞെടുപ്പിന് ശേഷം മമതയെ പ്രകീര്‍ത്തിച്ച് ജോയ് രംഗത്തെത്തിയിരുന്നു.
Most Read: അഖിലേഷ് യാദവിനെ നുണ പരിശോധനക്ക് വിധേയനാക്കണം; യുപി മന്ത്രി
