മസ്കറ്റ്: ഒമാനില് ഒക്ടോബർ 24 വരെ നൈറ്റ് കര്ഫ്യൂ പ്രഖ്യാപിച്ചു. രാത്രി 8 മുതല് പുലര്ച്ചെ 5 വരെയാണ് അടച്ചിടല്. രാജ്യത്ത് വര്ദ്ധിച്ചു വരുന്ന കോവിഡ് രോഗബാധയെ തുടര്ന്നാണ് പുതിയ നടപടിയുമായി ഭരണകൂടം രംഗത്തു വന്നത്. ഇന്നലെ മുതല് കര്ഫ്യൂ പ്രാബല്യത്തില് വന്നു.
റോയല് ഒമാന് പോലീസിന്റെ നേതൃത്വത്തില് നിയമലംഘനം കണ്ടെത്താനും നിയന്ത്രണങ്ങള് കടുപ്പിക്കാനും തീരുമാനമായി. ഉന്നതാധികാര സമിതിയുടെ കൂടുതല് ഉത്തരവുകള് വരുന്നത് വരെ മുഴുവന് സമയവും നിയന്ത്രണങ്ങള് നടപ്പാക്കാനാണ് പോലീസിന്റെ തീരുമാനം.
അവശ്യ സര്വീസുകള്ക്ക് നിയന്ത്രണങ്ങളില് ഇളവുണ്ടാകും. കുടിവെള്ളം, വൈദ്യുതി, ടെലികോം മേഖലകളിലെ ആവശ്യങ്ങള്ക്ക് ഉപയോഗിക്കുന്ന വാഹനങ്ങള്ക്ക് ഇളവ് നല്കും.
വീടുകളിലേക്ക് ആവശ്യമുള്ള വസ്തുക്കൾ, പ്രകൃതി വാതകം, എണ്ണ എന്നിവ കൊണ്ടുപോകുന്ന വാഹനങ്ങള്ക്കും കര്ഫ്യൂ ബാധകമായിരിക്കില്ല. ആരോഗ്യ പ്രവര്ത്തകര്, രോഗികള്, വിമാന യാത്രക്കാര് എന്നിവര്ക്കും യാത്ര ചെയ്യാനുള്ള അനുമതിയുണ്ട്.
Read Also: സൗദി അറേബ്യ വീട്ടുജോലിക്കാരുടെ റിക്രൂട്ട്മെന്റ് പുനരാരംഭിച്ചു