കൊല്ക്കത്ത: കേന്ദ്ര സർക്കാർ ഏർപ്പെടുത്തിയ വിഐപി സുരക്ഷ ആവശ്യമില്ലെന്ന് മുകുള് റോയ്. തൃണമൂൽ കോൺഗ്രസിൽ തിരികെ എത്തിയതിന് പിന്നാലെയാണ് കേന്ദ്ര ആഭ്യന്തര മന്ത്രാലയത്തോട് ഇക്കാര്യം രേഖാമൂലം ആവശ്യപ്പെട്ടത്. എന്നാല്, മുകുള് റോയിയുടെ ആവശ്യത്തോട് ആഭ്യന്തര മന്ത്രാലയം പ്രതികരിച്ചിട്ടില്ല.
തൃണമൂല് കോൺഗ്രസിൽ നിന്നും 2017ലാണ് മുകുള് റോയ് ബിജെപിയിലേക്ക് ചേക്കേറിയത്. തുടർന്ന് കേന്ദ്ര സര്ക്കാര് ഇദ്ദേഹത്തിന് സിആര്പിഎഫിന്റെ ‘വൈ പ്ളസ്’ കാറ്റഗറി സുരക്ഷ ഏര്പ്പെടുത്തിയിരുന്നു. ബംഗാളില് തിരഞ്ഞെടുപ്പ് പ്രഖ്യാപിച്ചതിന് പിന്നാലെ ‘ഇസെഡ്’ വിഭാഗത്തിലേക്ക് ഉയര്ത്തുകയും ചെയ്തിരുന്നു.
ബംഗാളില് നിന്ന് തൃണമൂല് വിട്ട് ബിജെപിയില് ചേര്ന്ന ആദ്യ വ്യക്തിയാണ് മുകുള് റോയ്. ഇദ്ദേഹം ബിജെപിയില് ചേക്കേറിയതിന് പിന്നാലെ നിരവധി നേതാക്കള് തൃണമൂല് വിട്ടിരുന്നു.
Read also: കോവിഡ് രണ്ടാം തരംഗം: രാജ്യത്ത് മരിച്ചത് 719 ഡോക്ടർമാർ, കേരളത്തിൽ 24; ഐഎംഎ